Акафист святым безсребренником и чудотворцем косме и дамиану ассийским. Акафист святым безсребренником косме и дамиану ассийским Величание безсребреникам и чудотворцам врачам Косме и Дамиану

Кондак 1

Избраннии чудотворцы, страстотерпцы Христовы и врачеве премудрии, туне подающии здравие в болезнех сущим, похвальная восписуем вам, заступником нашим и в скорбех помощником: вы бо сосуди благодати суще, исцеляете душевныя и телесныя наша язвы. Темже славяще Бога, дивнаго во святых Своих, вас усердно ублажаем: Радуйтеся, Космо и Дамиане, святии безсребренницы и преславнии чудотворцы.

Икос 1

Ангельскому жительству поревновавше, вся земная презрели есте и, подвигом мученичества венчавшеся, лицезрения Господа сил сподобилися есте. Молитеся убо за ны прилежно, к помощи вашей притекающих и похвальная вам вопиющих: Радуйтеся, молитвенницы теплии о чтущих святую память вашу; Радуйтеся, оставленных врачами неоскудно исцеляющии. Радуйтеся, яко дом, имение и вся родителей стяжания ни во чтоже вменили есте; Радуйтеся, нищия милосердием вашим препитавшии. Радуйтеся, страждущия сердоболием утешавшии; Радуйтеся, чистотою и святостию Ангелом уподобившиися. Радуйтеся, светильницы Божественнаго света; Радуйтеся, небеснии человецы, земнии Ангели. Радуйтеся, яко христианом есте прибежище непостыдное; Радуйтеся, все житие свое даже до последняго издыхания в служении Господу истощившии. Радуйтеся, всесветлое благодати приятелище, Духа Святаго сосуди; Радуйтеся, всем, призывающим вас, скории помощницы. Радуйтеся, Космо и Дамиане, святии безсребренницы и преславнии чудотворцы.

Кондак 2

Видя Господь Бог добрая ваша начинания и велие ко благочестию усердие ваше, яко вся земная и благая мира сего уметы вменивше, в непрестаннем труде любве ради ближняго пребысте и души своя благими нравы укра¬сили есте, преисполни вас Духа Святаго, Егоже лучею озаритися и нам испросите у Христа Бога, да купно с вами поем Ему: Аллилуиа.

Икос 2

Разумом истиннаго богопознания царя нечестиваго научили есте, вразумив того силою словес ваших, имиже дерзновенно Христа проповедаете. Темже дерзновение ваше похваляюще, взываем сице: Радуйтеся, лестию нечестиваго царя не уловленнии; Радуйтеся, истину Христову дерзновенно пред ним исповедавшии. Радуйтеся, прещения его не убоявшиися; Радуйтеся, нечестивых соборища посрамив¬шии. Радуйтеся, небоязненнии проповедницы истины; Радуйтеся, служения идольскаго потребителие. Радуйтеся, веры православныя поборницы; Радуйтеся, исповедницы непоколебимии, духа терпения и ревности о славе Божией исполненнии. Радуйтеся, немолчнии велений Господних провозвестницы; Радуйтеся, вернии наставницы богомудрия. Радуйтеся, Царствия Христова надежднии нам ходатаи; Радуйтеся, и по смерти вашей нас не оставляющии. Радуйтеся, Космо и Дамиане, святии безсребренницы и преславнии чудотворцы.

Кондак 3

Силою Вышняго, данною вам еще во временней жизни, прияли есте власть чудесно исцеляти всякия недуги; по смерти же вашей наипаче прослави вас Бог многими чудотворении, да вси притекаим к вам, молящеся о исцелении от недугов телесных, паче же душевных, и Богу велегласно вопием: Аллилуиа.

Икос 3

Имуще, яко многоценное сокровище, многоцелебныя мощи ваша, радуемся и, любовию воспевающе данную вам от Бога благодать исцелений, благодарно зовем: Радуйтеся, теплии о нас к Богу предстателие; Радуйтеся, еллинская мудрования ни во чтоже вменившии. Радуйтеся, Рима светильницы всесветлии; Радуйтеся, омраченных стран просветителие. Радуйтеся, мужества и терпения наставницы; Радуйтеся, яко неповинне каменное побиение претерпевше, кончину мученическую улучили есте. Радуйтеся, любве ради Христовы пострадавшии, и нас небесных благ причастники приимите; Радуйтеся, раби Божии, от Господа Христа венцы победы приемшии. Радуйтеся, дивный и прекрасный смирения и кротости образ всем показавшии; Радуйтеся, непоколебимое православия основание. Радуйтеся, светлая страстотерпцев славо; Радуйтеся, добрии целебницы, ни от когоже мзды за исцеления вземшии. Радуйтеся, Космо и Дамиане, святии безсребренницы и преславнии чудотворцы.

Кондак 4

Буря ярости велия царя Карина не возможе поколебати души вашея, и егда вернии в некоей пещере вас скрыта от яти вас ищущих, волею воином предстали есте, вопиющe: нас поимите, мы бо есмы ихже ищете, неповинных же отпустите. Таже веригами обложени бывше, в Рим отведостеся. Мы же, веру вашу и вериги лобызающе, поем Богу: Аллилуиа.

Икос 4

Слышавше римстии людие велию вашу ко страждущим любовь и чудесное врачевание ваше, отвсюду устремляхуся к вам с верою в целебную благодать Божию, в вас действующую; приемлюще же скорое исцеление, прославляху Бога, вас же, милосердых целителей своих, величаху, воспевая сице: Радуйтеся, Бога истиннаго непреборимии проповедницы; Радуйтеся, оружие креста Христова добропобедно вземшии. Радуйтеся, блазии врачеве, страждущим скории помощницы; Радуйтеся, вся немощныя туне врачующии. Радуйтеся, и ныне исцеления обильно источающии; Радуйтеся, милостивии утешителие в бедах и скорбех сущим. Радуйтеся, во всяких обстояниих нас защищающии; Радуйтеся, безпомощных спасительное призрение. Радуйтеся, праведных преславное украшение; Радуйтеся, предстательство наше крепкое. Радуйтеся, прилежнии о нас к Богу молитвенницы; Радуйтеся, всем, верою призывающим вас, скории помощницы. Радуйтеся, Космо и Дамиане, святии безсребренницы и преславнии чудотворцы.

Кондак 5

Боготечным воистинну путем шествовасте, раби Христовы, егда во узах в Рим ведоми, за еже идолом не послужисте, Христови же единому поработасте, горькая испытания терпели есте, святии; но вся претерпесте за возлюбльшаго вас Христа. Темже великому терпению и крепцей любви вашей ко Господу дивящеся, купно с вами поем Ему: Аллилуиа.

Икос 5

Видев царь, яко силою Христовою исцеле, хвалу Тому воздаде; мы же, славяще Бога, ублажаем вас, славных угодников Его, вопиюще сице: Радуйтеся, горняя паче дольних возлюбившии; Радуйтеся, ангельскому житию на земли поревновавшии. Радуйтеся, яко, многобожие отринувше, родительскаго благочестия не отступили есте; Радуйтеся, яко вся имения своя, по словеси Господню, нищим раздали есте, да Христа приобрящете. Радуйтеся, не словом точию, но множае паче делом и непрестанною к Богу молитвою иных поучившии; Радуйтеся, неоскудный источник исцелений и ныне являющии. Радуйтеся, излиянием чудес, данных вам от Бога, нас обогащающии; Радуйтеся, в самих себе храм Богу уготовавшии. Радуйтеся, скорое нищих услышание; Радуйтеся, скорбных приятное попечение. Радуйтеся, ненадежных известное надеяние; Радуйтеся, болящих скорое врачевание. Радуйтеся, Космо и Дамиане, святии безсребренницы и преславнии чудотворцы.

Кондак 6

Проповедницы имене Христова в животе своем бывше, и ныне силу того свидетельствуете чудесы, от иконы вашея источаемыми, и якоже веры иногда жены некия не презресте, но во сне явльшеся ей, облегчение в недузе даровали есте; сице и наших молений и пений гласы услышите, о, святии безсребренницы! Вере же и любви людей ваших внемлите и покров нам свыше даруйте, хвалящим вас и поющим Богу: Аллилуиа.

Икос 6

Возсия, яко свет, правда ваша, егда укоряема на судищи царя, дерзновенно рекосте к нему: не волшебною хитростию врачуем болезни, но силою Спаса нашего Иисуса Христа, якоже Той заповеда, глаголя: болящия исцеляйте, прокаженныя очищайте, туне приясте, туне дадите. Темже дерзновению вашему дивящеся, ублажаем вас сими: Радуйтеся, образ твердости и веры нам показавшии; Радуйтеся, райския радости присно наслаждающиися. Радуйтеся, премудрии сеятелие благочестия; Радуйтеся, славнии проповедницы православия. Радуйтеся, учителие, к небеси наставляющии; Радуйтеся, чистаго и непорочнаго жития неусыпнии хранителие. Радуйтеся, теплии послушателие молящихся вам; Радуйтеся, ко спасению изящнии и вернии путеводителие. Радуйтеся, благочестно и богоугодно жити хотящим блазии наставницы; Радуйтеся, ходатаи благих всем, почитающим память вашу. Радуйтеся, добре течение свое скончавшии; Радуйтеся, венцы правды от Владыки Христа приявшии. Радуйтеся, Космо и Дамиане, святии безсребренницы и преславнии чудотворцы.

Кондак 7

Хотяще силу Христову злочестивому царю открыти, Духа Святаго исполнени рекосте: буди посрамлен, о Карине, и с богами твоими! И абие ему лице изменися, и выя совратися, и, молящеся к вам, глаголя: се ныне вижду, яко раби есте истиннаго Бога. Молю убо вас, да якоже иных уврачевасте, сице исцелите и мене, да и аз купно с вами воспою Богу: Аллилуиа.

Икос 7

Дивнии о нас молитвенницы, целителие душ и телес наших и ходатаи спасения вечнаго, благодарным сердцем воспевающе хвалебную песнь Богу, даровавшему нам таковых великих чудотворцев, приносим и вам похвалы сицевыя: Радуйтеся, Ангелов терпением вашим удивившии; Радуйтеся, божественным сиянием чудес своих вся просветившии. Радуйтеся, скории от всяких болезней и безмезднии врачеве; Радуйтеся, заступлением вашим разслабленныя исцеляющии. Радуйтеся, от неисцельных болезней здравы воздвизающии; Радуйтеся, достойне совершившии земный подвиг жития вашего. Радуйтеся, о нас, обнаженных добрых дел, присно к Богу предстательствующии; Радуйтеся, яко сиянием премудрости, от Господа вам данныя, всех верных просвещаете. Радуйтеся, молитвенницы о нас и заступницы наши предивнии; Радуйтеся, доблии страстотерпцы Христовы. Радуйтеся, кровми своими землю освятившии; Радуйтеся, идольское безумие обличившии. Радуйтеся, Космо и Дамиане, святии безсребренницы и преславнии чудотворцы.

Кондак 8

Странное мирови житие ваше видяще, устранимся и мы того сует и, ум на небеса преложше, возопиим к вам, святии безсребренницы: утолите болезни, источая благодатная врачевания всем, усердно к помощи вашей притекающим и вопиющим Богу: Аллилуиа.

Икос 8

Все житие ваше на земли любовию к Богу и к ближним исполнивше, святии безсребренницы Космо и Дамиане, скории и ныне помощники являетеся всем, с верою призывающим вас; не точию бо близ притекающим ко святым мощем вашим, но и далече сущим исцеления источаете. Темже приносим вам похвалы сия: Радуйтеся, Единому Богу, в Троице славимому, верно послужившии; Радуйтеся, единое еже на потребу премудро избравшии. Радуйтеся, яко в неустанном труде и подвизе дни и нощи ваша без всякаго уныния препроводили есте; Радуйтеся, яко ситцевым вашим тесным и скорбным житием славу Божию в человецех умножили есте. Радуйтеся, доблии Христовы последователие; Радуйтеся, яко научители и творцы Христовых заповедей явилися есте. Радуйтеся, яко именами велиих в Царствии Небеснем наречени бысте; Радуйтеся, славою Христовою весь мир озарившии. Радуйтеся, яко страданием вашим безстрастие прияли есте; Радуйтеся, яко мученическою смертию безсмертие стяжали есте. Радуйтеся, яко Ангели, на небеси и на земли прославленнии; Радуйтеся, яко Богу ныне венценосни предстоите. Радуйтеся, Космо и Дамиане, святии безсребренницы и преславнии чудотворцы.

Кондак 9

Всякое естество человеческое удивися сиянию в вас благодати Божией, святии Космо и Дамиане, егда нечестивый царь Карин, узрев чудеса, от имени Господа Иисуса Христа вами творимая, уверова и прослави Бога. Темже и мы, славяще давшаго вам сицевую силу, поем Ему: Аллилуиа.

Икос 9

Вития многовещанная недоумеют довольно изобразити обилие любве вашея, еюже преисполнени бысте, святии угодницы, к человеком о Господе. Сего ради из глубины сердец наших вопием к вам: Радуйтеся, Господу своему даже до смерти поработавшии; Радуйтеся, огнем любве Божия воспаляеми, огнь жертв идольских угасившии. Радуйтеся, ближняго паче самих себе возлюбившии; Радуйтеся, яко болящия и недужныя посещали есте. Радуйтеся, нужды убогих предварявшии; Радуйтеся, печальных утешителие. Радуйтеся, отчаянных заступницы; Радуйтеся, сирых питателие. Радуйтеся, люте страждущим помощницы; Радуйтеся, угнетенных свободителие. Радуйтеся, яко, добре течение скончавше, ко Христу вознесостеся; Радуйтеся, яко в Царствии Его водворяетеся. Радуйтеся, Космо и Дамиане, святии безсребренницы и преславнии чудотворцы.

Кондак 10

Спасти хотя многия, яви нам Господь вы, чудотворцы Своя: кто бо не умилится, видя ваше безмерное ко всем сострадание; кто ли вы не ублажит, яко не токмо человеки от недуг исцеляете, но и скоты милуете; не отрините убо и наших молитв, но на вся ны неоскудно великия и богатыя ваша милости излейте, да вопием Богу: Аллилуиа.

Икос 10

Стены есте всем, похваляющим чудеса ваша, о безмизднецы, и к заступлению вашему прибегающим; стены и забрала есте, ограждающия от всех бед, усердно в помощь вас при¬зывающим. Темже убо и нас от нищеты, напастей, недугов и скорбей оградите, молимся и тепле вопием к вам: Радуйтеся, адамантов крепость в терпении превозшедшии; Радуйтеся, неповинно от зависти сребролюбца пострадавшии. Радуйтеся, славнии в бедах заступницы; Радуйтеся, немощных и обидимых укрепление. Радуйтеся, крепцыи в напастех защитителие; Радуйтеся, убогих и нищих всещедрии обогатителие. Радуйтеся, алчущих милостивии кормителие; Радуйтеся, болезньми и тяжкими недуги одер¬жимых премудрии уврачевателие. Радуйтеся, с верою к вам притекающим от всех скорбных обстояний теплии защитителие; Радуйтеся, яко память ваша всеми славима на земли. Радуйтеся, яко имена ваша написана суть на небесех; Радуйтеся, яко от Бога препрославлени есте. Радуйтеся, Космо и Дамиане, святии безсребренницы и преславнии чудотворцы.

Кондак 11

Пение всеумиленное, ныне нами приносимое, несть довольно к похвалению преславных подвигов и трудов ваших, яже Христа ради подъяли есте в животе своем; обаче дерзаю¬ще просим, усердное моление наше приемше, и нас от бед своими молитвами избави¬те, да умиленным сердцем воспоим Богу: Аллилуиа.

Икос 11

Светозарный и небесный ум явили есте иногда пред Карином, заблуждение того обличая; ныне же нетлением мощей ваших и множе¬ством чудес православие утверждаете. Темже благодарственно зовем: Радуйтеся, Ипостасное Слово дерзновенно про¬поведавшии; Радуйтеся, силу идольскую добропобедно упра-зднившии. Радуйтеся, яко вами попрася служение бесом; Радуйтеся, яко вами поклонение Христу проповедася. Радуйтеся, учителие премудрии; Радуйтеся, всех добродетелей неленостные исполнителие. Радуйтеся, яко по трудех земных в селениих небесных ликовствуете; Радуйтеся, яко и по преставлении своем нас не оставляете. Радуйтеся, яко всем, с верою призывающим вас скорую помощь подаете; Радуйтеся, святии врачеве, яко болезни наша исцеляете. Радуйтеся, молитвы верных не отревающии; Радуйтеся, и о нас недостойных у Престола Божия ходатайствующии. Радуйтеся, Космо и Дамиане, святии безсребренницы и преславнии чудотворцы.

Кондак 12

Благодать, юже даде вам Господь Бог, целити вся недуги душевныя же и телесныя, днесь собра нас, да почтим память вашу, святии безсребренницы Космо и Дамиане, благого¬вейно убо взирающе на честную икону вашу и со умилением сердца к ней припадающе, молим избавитися всем нам от всяких зол и болезней, да воспоем вси Богу: Аллилуиа.

Икос 12

Поюще чудеса ваша, восхваляем труды и по¬двиги, ублажаем мученическую кончину, почитаем ходатайство и сильное заступление ваше о всех, требующих помощи вашея; ве¬личаем подателя всех благ Бога, даровавшаго нам толико дивных молитвенников, и со умилением зовем: Радуйтеся, Иисуса Господа верно проповедавшии; Радуйтеся, истины Его доблии свидетелие. Радуйтеся, теплии о нас у Престола Его предстатели; Радуйтеся, телес наших благосострадательнии врачеве. Радуйтеся, Царствия Небеснаго и вечных благих наследницы; Радуйтеся, по Бозе все наше упование. Радуйтеся, миро благовонное исцелений исто-чающии; Радуйтеся, страстей злосмрадие молитвами своими отревающии. Радуйтеся, исцелений дателие и чудес источницы; Радуйтеся, светоноснии столпи церковнии и забрала недвижимая. Радуйтеся, винограда истинного божественныя лозы; Радуйтеся, двоице световидная мудрых безсребренников. Радуйтеся, Космо и Дамиане, святии безсребренницы и преславнии чудотворцы.

Кондак 13

О предивнии безсребренницы, чудотворцы, целителие и славнии угодницы Божии, Космо и Дамиане, приимите моления сия на¬ша, от сокрушеннаго сердца возносимая; исцелите многообразныя недуги наша и теплым предстательством вашим испросите нам от Христа Бога избавление от всех бед и напастей, прощение прегрешений наших и благую надежду вечнаго спасения, да спо¬добимся с вами и со всеми святыми в безконечныя веки воспевати Богу, Спасителю на¬шему: Аллилуиа.

(Этот кондак читается трижды, затем икос 1 и кондак 1)

Текущая страница: 6 (всего у книги 9 страниц) [доступный отрывок для чтения: 7 страниц]

Священномученик Ермолай

Имя страстотерпца Пантелеимона неразрывно связано с именем «богомудрого наставника Пантелеимона, ученика еллинских врачев» (как поется в одной из церковных стихир) – священномученика Ермолая, принявшего мученическую кончину на день раньше своего юного ученика. Соответственно, день его памяти – 8 августа.

Святой Ермолай почитается Церковью не только как «благочестия светлый проповедник, мученик твердый», но и как безмездный врач. Он пользовался большим почтением на Руси. В 1610 в Москве, на углу Большой Садовой и Большого Козихинского переулка, была построена Ермолаевская церковь, давшая имя Ермолаевскому переулку, которому недавно возвращено историческое название. Храм святого Ермолая, снесенный в 1932 году, памятен тем, что в нем на Прощеное воскресенье в 1925 году, святитель Тихон, Патриарх Всероссийский, совершил одно из последних богослужений в своей земной жизни.

Обратим внимание, как настоятельно Церковь делает упор на безмездном, нестяжательном целительстве святых угодников Божиих. Таковы абсолютно все они – в отличие от наших современных псевдодуховных «целителей».

Закономерный вопрос:

– Есть-пить человеку надо? Почему не брать денег за целительство? Закономерный ответ:

– А тем, прежним, святым угодникам Божиим есть-пить не надо было? Почему же они не брали денег и прочих видов вознаграждения от излеченных ими?

Здесь мы вплотную подходим к вопросу о том, что такое подлинная духовность – и мнимая. Не может человек обладать даром чудотворения от Бога, если не предочищен так, как нам с вами, грешным, и не снилось. Пост, молитва, полная нестяжательность – и все это от полной, всепоглощающей любви к Богу и людям. Святые бессребреники бесплатно лечили людей, следуя словам Спасителя: «Больных исцеляйте, прокаженных очищайте; даром получили, даром давайте» (Мф.10,8). Бессребреничество – это отношение человека к жизни в целом, не нищета, а подражание Христу, Который исцелял без платы, не думая о том, что поесть, где преклонить главу.

А те, кто копеечку берет, – они не Господней силой лечат.

Да и лечат ли?

– Да, но на что они жили?

– По-разному. В житии святых бессребреников Космы и Дамиана Аравийских описываются и их братья – Леонтий, Анфим и Евтропий, также причисленные к лику святых. Братья сопровождали Косму и Дамиана и кормили их. Вместе с ними были арестованы и приняли мученическую смерть. Великомученик и целитель Пантелеимон получил богатое наследство от отца, которое раздавал нищим и на которое жил сам. Роздал свое состояние известный своими исцелениями святой Антоний Великий. Отшельники и аскеты обходились вовсе малым, они собирали сладкие корни, ягоды, плоды, дикий мед. Так жили, например, мученики IV века Кир и Иоанн. Преподобный Агапит Печерский, врач безмездный (Киев, ХI век), был насельником монастыря – Киево-Печерской лавры.

«В житии святых бессребреников Космы и Дамиана Асийских описывается такая история. Однажды одна исцеленная святыми женщина пришла к Дамиану и попросила его взять хотя бы три яичка во имя Святой Троицы. Услышав это, бессребреник не посмел отказаться. Косма, узнав о том, что брат нарушил их строгий обет, так огорчился, что завещал не хоронить его рядом с ним. После отшествия святых братьев ко Господу никто не знал, как же их хоронить. И тут свершилось чудо: к людям пришел верблюд, которого святые вылечили когда-то от бешенства, и человеческим голосом сказал, чтобы положили Дамиана рядом с Космой, потому что не ради мзды был принят дар женщины, а во Имя Божие» .

Конечно, предание о заговорившем верблюде кажется вымыслом – но если оно и выдумано, то лишь для того, чтобы выразить тот невыдуманный факт, что легче верблюду заговорить, нежели людям – простить другого.

Молитва святому священномученику Ермолаю, наставнику Пантелеимона, иерею Никомидийскому

О, преславный священномучениче Ермолае и скорый помощниче христианом в болезнех! Верую от всея души и помышления, яко дадеся тебе от Господа дар болящия врачевати и расслабленныя укрепляти. Сего ради к тебе, яко благодатному врачу болезней, аз немощный прибегаю и твой досточтимый образ с благоговением лобызая, молюся: твоим предстательством у Царя Небеснаго испроси мне, болящему, исцеление от удручающия мя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.

Миром благодати помазан, преблаженне отче Ермолае, иерей Бога Вышняго явился еси и благочестия светлый проповедник, мученик же твердый и безмездный врач притекающих к тебе; слава Давшему тебе крепость, слава Венчавшему тя, слава Действующему тобою всем исцеления.

Яко святитель благочестно пожив и священномучения венец приял еси. Идольския жертвы погасив, добрый пастырь Христова стада был еси, премудре, и Пантелеимону истинный учитель. Сего ради почитаем тя песньми, вопиюще: от бед избави нас присно молитвами твоими, Ермолае, отче наш.

Веселися, граде Никомидие, радуйся, соборе верных, светло торжествующе в память Ермолая священномученика, скорбящих сострадательнаго утешителя, обидимых теплаго заступника, болящих безмезднаго врача, молящагося о спасении душ наших.

Бессребреники и чудотворцы Косма и Дамиан Асийские

Мученики Косма и Дамиан прославлены и в Восточной и в Западной Церкви. В Западной Церкви их имена включены в текст мессы, они почитаются покровителями врачей и – особенно – хирургов.

В Православной Церкви известны три пары святых, носящих одинаковые имена Космы и Дамиана: Асийские, Римские и Аравийские.

Как их различить?

По дням памяти: празднование святых Космы и Дамиана Асийских и матери их преподобной Феодотии 14 ноября; бессребреников Космы и Дамиана, в Риме пострадавших, – 14 июля; мучеников и бессребреников Космы и Дамиана Аравийских и братий их, мучеников Леонтия, Анфима и Евтропия, – 30 октября.

По изображениям на иконах братья асийские «брадами оба средни равны, в правых руках держат перья, а в левых сосудцы открыты»; римские – «Косма млад, аки Димитрий Селунский… Дамиан млад, аки Георгий мученик, кудреват… в правых руках держат кресты, а в левых сосудцы»; врачи из Аравии иногда изображаются в восточных головных уборах.

И, разумеется, по житиям.

Наиболее торжественно празднуется память святых Космы и Дамиана Асийских (14 ноября). Время их жизни точно неизвестно, скорее всего III век, но не позднее IV века, так как уже в начале V века в их память строились храмы. Их отец умер, когда святые были совсем маленькими; мать, преподобная Феодотия, одна воспитала сыновей, научила их вере и отдала на обучение врачебной науке. Братья были талантливыми врачами, «благодать врачеваний от Бога приемше» – на миниатюре Х века святые Косма и Дамиан принимают лекарскую сумку из десницы Божией.

Братья не ждали, когда к ним обратятся за помощью, они сами переходили из города в город и искали болящих. С исцеленных никогда не брали платы, лишь просили, чтобы те твердо верили во Христа и жили по Его заповедям. Не только на людей простиралась любовь святых врачей, но и на всех тварей. Святые братья «…и скотом благодеяния преподаша». В житии говорится, что благодарные животные чувствовали их благодеяния, знали своих благодателей и, как скоро сии показывались в пустынях, ходили вслед за ними целыми стадами.

Братьев погребли в одной могиле, в месте, называемом Фереман, в Месопотамии, и вскоре на месте их погребения была построена церковь, в которой совершалось множество исцелений.

...

Вот что мы узнаем о помощи святых братьев из книги «Жития святых» в изложении святителя Димитрия, митрополита Ростовского:

«…Таким образом, честные мощи их были положены вместе, в так называемом Феремане.

Однажды, во времена жатвы, один из жителей тех мест вышел жать на ниву свою. Изнемогши от солнечного зноя и намереваясь отдохнуть, он пошел под дуб, лег и крепко уснул. Во время сна ему чрез открытый рот вползла змея. Пробудившись, земледелец сразу не почувствовал никакой боли, так что снова принялся за работу на своей ниве. С наступлением же вечера, когда земледелец пришел домой и после ужина лег на постель, то почувствовал страшную боль от того, что змея начала терзать его внутренности. Больной, не вынося страданий, стал кричать, чем пробудил от сна всех домашних. Последние, подойдя к больному и видя его страшные мучения, ничем однако не могли помочь; они даже не могли понять, что это была за болезнь. Тогда больной, не получив никакой помощи от окружавших, прибег к скорым помощникам Косме и Дамиану и воскликнул: «Святые врачи, Косма и Дамиан, помогите мне!» Святые тотчас поспешили с своею помощью: больной крепко заснул, и во время сна изо рта выползла змея. Видавшие сие чудо ужаснулись и прославили святых угодников. Когда змея выползла, муж тот тотчас пробудился и, с помощью святых бессребреников, выздоровел совершенно.

Был в том месте другой муж, по имени Малх. Он жил близ храма святых врачей, Космы и Дамиана, в Феремане. Намереваясь отправиться в далекий путь, он повел свою жену к храму и сказал ей:

– Вот я ухожу в далекий путь, тебя же вручаю под защиту Космы и Дамиану: оставайся дома, пока не пришлю тебе условленный знак о себе, который ты признаешь за мой. И если Бог восхощет, то пришлю тебе этот знак и возьму тебя к себе.

Поручив таким образом жену свою святым, Малх отправился в путь. По прошествии нескольких дней, Диавол принял образ некоторого знакомого человека и, придя к жене Малха, показал ей тот знак, на который указывал ей муж, говоря: “пришлю тебе знак и возьму тебя к себе”.

Показывая ей сей знак, диавол велел идти за ним к мужу.

– Меня, – сказал он, – прислал твой муж за тобою, чтобы привести тебя к нему. …Обольститель же, взяв ее, завел в место пустое и непроходимое и хотел оскорбить ее там и убить. Она, видя себя в крайнем бедствии, возвела очи к небу и возопила из глубины сердца к Богу, говоря:

– Боже, по молитвам святых твоих, Космы и Дамиана, помоги мне и поспеши избавить меня из рук сего убийцы!

И тотчас явились скорые помощники, святые бессребреники, Косма и Дамиан. Диавол, увидев их, оставил женщину и бежал; поднявшись на высокий берег, он низринулся в пропасть и исчез, а святые, взяв женщину, привели в дом ее.

Женщина, кланяясь им, говорила:

– Благодарю вас, господа мои, что избавили меня от горькой погибели. Умоляю вас, – скажите мне, кто вы, чтобы мне знать, кому воздавать благодарность до конца жизни моей. Они сказали:

– Мы – рабы Христовы, Косма и Дамиан, которым поручил тебя твой муж пред отправлением в путь, потому мы и поспешили к тебе на помощь и избавили тебя, по благодати Божией, от диавола.

Слыша это, женщина упала на землю от страха и радости, святые же стали невидимы. И восклицала женщина, восхваляя и благодаря Бога и святых рабов Его, Косму и Дамиана. Придя в храм, она припадала со слезами к иконе святых и рассказала всем о том, что было, – как Господь явил к ней милость по молитвам Своих угодников».

«Некоторый муж, страдавший болезнию в легких, сопровождавшейся кровохарканием, пришел к раке мощей святых бессребреников просить исцеления. Болезнь его была так опасна, что все считали его уже близким к смерти, а жена его даже готовила все нужное для погребения. Нужно заметить, что больной доселе не верил в чудодейственную силу святых и нередко изрыгал хулу на Бога.

Святые исцелили его от того и другого недуга. В ночном видении они возвестили, чтобы ищущий исцеления отселе никогда не говорил хульных слов и целый год воздерживался от употребления мяса. Больной с радостью принял то предложение и верно исполнил его. Тогда повелением святых кровь, шедшая гортанью, остановилась, легкие укрепились, и больной, возблагодарив чудных врачей, с радостию пошел в дом свой.

Пришла в церковь святых бессребреников некоторая жена, немая и глухая. Страдая много лет этою тяжкою болезнию, она, кроме небесной, никакой не могла ожидать себе помощи. Долго, неотступно, со слезами молила она святых врачей исцелить ее от того и другого недуга. Наконец, молитва ее была услышана. Немая и глухая часто в уме своем повторяла Трисвятое. Чрез Трисвятое явили чудо и святые бессребреники.

Во время вечернего богослужения в храме их, когда, по обычаю, пето было Трисвятое, внезапно глухая услышала поющих и, доселе немая, с поющими начала петь Трисвятое. Пораженная необыкновенным чудом, она громогласно исповедала величие Божие, явленное чрез святых бессребреников».

И пускай нас не смущает непривычный, велеречивый стиль повествования, соверошенно не сродный нашему нынешнему языку и стилю письма. Святитель Димитрий Ростовский излагает именно то, что происходило на самом деле. Не сомневайтесь.

С тех давних пор и по сей день обращение к святым Косме и Дамиану Асийским исцеляет от недугов. На иконе святых изображены чудесные исцеления, творимые ими. Среди них – избавление благочестивой жены от посягательств насильника (поэтому святые братья почитаются и как покровители христианских семей, ибо все беды в браке – от насилия в том или ином виде, и насилие это – увы – тем сильнее, чем ближе и роднее друг другу люди); вразумление, а затем и исцеление больного туберкулезом, грешившего сквернословием и богохульством (им молятся еще и об избавлении от греха сквернословия).

На Руси святые братья известны еще с домонгольских времен, в их честь было воздвигнуто немало храмов. В русском просторечии их имена звучат как Кузьма и Демьян. На Руси святых Косму и Дамиана считали покровителями детей, им молились о научении грамоте. Вероятно, именно верой в покровительство святых братьев учащимся объясняется то, что в руках бессребреников на иконах иногда изображали чернильницы с перьями. Травы у ног святых напоминают о врачевании зелием, а письменные принадлежности – о врачевании словесами.

Мученикам-врачам Косме и Дамиану написаны акафист и канон. Их можно взять и молиться. В тропаре святым бессребреникам есть ссылка на причину безмездности целительства – напутствие Христа своим апостолам, посылаемым Им по городам и весям: «болящия исцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите», то есть «даром получили, даром давайте» (Мф. 10,8).

Молитва к святым чудотворцам Косме и Дамиану

К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем, мы недостойнии, преклонше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости, избавьте нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Паки, припадающе, прилежно молим: испросите нам от Господа вся благополезная, яже в животе нашем временном, наипаче же ко спасению вечному належащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки, безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия, аще бо по множеству грехов наших и несмы достойни милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление, всегда, ныне и присно и во веки веков. Аминь.

Тропарь Косме и Дамиану Асийским

Святии безсребреницы и чудотворцы, Космо и Дамиане, посетите немощи наша: туне приясте, туне дадите нам.

Благодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложисте, мир исцеляюще чудесы.

Величание

Величаем вас, чудотворцы славнии, Космо и Дамиане, и чтим святую память вашу, наставницы заблуждшим, исцелители болящим и собеседницы Ангелом.

Косма и Дамиан Римские

Во второй половине III века в Риме, в период лютых гонений на христиан, жили два брата-бессребреника, носившие те же имена. Косма и Дамиан Римские происходили из знатной семьи; родители воспитали их в вере Христовой, и братья, изучив врачебное искусство, не только исцеляли страждущих различными недугами, не требуя за это никакой платы, но сами помогали неимущим. Святые обходили Рим и его окрестности, отыскивая болящих, и, прежде чем начинали врачевать, наставляли их в вере Христовой. «Не хитростию человеческой, но Божественною благодатию очищаете недуги человеков, славнии», – говорит о способе врачевания святых братьев Церковь в каноне.

– Мы только возлагаем на вас руки и ничего не можем сделать нашею собственною силою, все же совершает всемогущая сила Христова; если вы уверуете в Него и не усомнитесь, то немедленно соделаетесь здоровыми, – говорили они страждущим.

И действительно, те, веруя, получали выздоровление.

По молитве святых обратился к вере Христовой и исцелился от недуга даже гонитель христиан – император Карина (283–284). После чего с миром отпустил братьев, позволив и далее проповедовать христианскую веру.

Земная жизнь святых увенчалась мученическим венцом: врач-язычник, некогда обучавший их медицине, из зависти пошел на грех убийства. Заманив братьев в горы якобы для сбора целебных трав, он напал и убил сначала одного, а затем другого.

В Риме сохранился посвященный им храм, построенный в 530 году.

Согласно церковному преданию, святые Косма и Дамиан Римские некоторое время жили в ссылке в Тавриде (Крыму), у подножия Чатырдага, недалеко от Алушты. Здесь с древних времен сохранился источник их имени. Источник этот, хотя находился в глухом месте, но в памятные дни к нему собирались тысячи людей. А в 1857 году рядом был устроен монастырь и освящен тоже в память святых братьев-целебников. Обитель славилась чудотворной иконой святых Космы и Дамиана Римских с частицей их мощей. Разоренный в советское время, монастырь в наше время возрождается, вернулась в его стены и чудотворная икона святых Космы и Дамиана:

«Источник исцелений имуще, святии безсребреницы, исцеление подаете всем требующим, яко великим даром сподобльшеся от приснотекущаго источника – Спаса Христа».

Врачи-мученики Косма и Дамиан Аравийские

30 октября Церковь отмечает память третьей двоицы бессребреников Космы и Дамиана Аравийских и братий их, мучеников Леонтия, Анфима и Евтропия, убиенных в 287-м или 303 году (точно неизвестно) во времена гонений Диоклетиана и Максимиана, как и святой Пантелеимон. Вместе с ними приняли мученический венец и братья-христиане Леонтий, Анфим и Евтропий.

Их святые останки были похоронены в городе Кир в Сирии, где от них стали совершаться многочисленные исцеления. Император Юстиниан I (527–565), будучи исцелен святыми Космой и Дамианом от опасной болезни, в благодарность перестроил и украсил их храм в Константинополе. Этот храм стал местом паломничества для всего Востока.

Будучи врачами-бессребрениками, святые Косма и Дамиан почитаются покровителями врачей и изображаются на некоторых медицинских эмблемах. Об их житии сведений сохранилось мало, но почитание их в Русской Церкви возросло после чудесного спасения императора Александра III с семьей при крушении царского поезда близ станции Борки под Харьковом, которое произошло как раз в день памяти святых, 17/30 октября 1888 года. Государь тогда один удерживал на своей спине крышу поврежденного вагона, пока его покинули все пассажиры. На месте крушения в Борках возвели храм, по всей стране служили благодарственные молебны, строили храмы и часовни, писали иконы.

Поэтому святым бессребреникам Косме и Дамиану Аравийским молятся не только об исцелении от болезней, но и об избавлении от внезапной смерти.

День памяти :

Тропарь, глас 8

Святии безсребреницы и чудотворцы Космо и Дамиане, посетите немощи наша: туне приясте, туне дадите нам.

Кондак, глас 2

Благодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложите, мир исцеляюще чудесы.

Величание

Величаем вас, чудотворцы славнии Космо и Дамиане, и чтим святую память вашу, наставницы заблуждшим, исцелители болящим и собеседницы Ангелом.

Кондак 1

Избраннии чудотворцы, безсребреницы Христовы и врачеве премудрии, туне подающии здравие в болезнех сущим, похвальная восписуем вам, заступником нашим и в скорбех помощником: вы бо сосуди благодати суще, исцеляете душевныя и телесныя наша язвы. Темже, славяще Бога, дивнаго во святых Своих, вас усердно ублажаем:

Икос 1

Ангельскому жительству поревновавше, вся земная презрели есте и, подвигом нестяжания венчавшеся, лицезрения Господа сил сподобилися есте. Молитеся убо за ны прилежно, к помощи вашей притекающих и похвальная вам вопиющих:

Радуйтеся, молитвенницы теплии о чтущих святую память вашу.

Радуйтеся, оставленных врачами неоскудно исцеляющии.

Радуйтеся, яко дом, имение и вся родителей стяжания ни во чтоже вменили есте.

Радуйтеся, нищия милосердием вашим препитавшии.

Радуйтеся, страждущия сердоболием утешавшии.

Радуйтеся, чистотою и святостию Ангелом уподобившиися.

Радуйтеся, светильницы Божественнаго света.

Радуйтеся, небеснии человецы, земнии ангели.

Радуйтеся, яко христианом есте прибежище непостыдное.

Радуйтеся, все житие свое даже до последняго издыхания в служении Господу истощившии.

Радуйтеся, всесветлое благодати приятелище, Духа Святаго сосуди.

Радуйтеся, всем призывающим вас скории помощницы.

Радуйтеся, Космо и Дамиане, святии безсребреницы и преславнии чудотворцы.

Кондак 2

Видя Господь Бог добрая ваша начинания и велие ко благочестию усердие ваше, яко вся земная и благая мира сего во уметы вменивше, в непрестаннем труде, любве ради ближняго пребысте, и души своя благими нравы украсили есте, преисполни вас Духа Святаго, Егоже лучами озаритися и нам испросите у Христа Бога, да купно с вами поем Ему: Аллилуиа.

Икос 2

Разумом истиннаго богопознания люди нечестивыя научили есте, вразумив тех силою словес ваших, имиже дерзновенно Христа проповедаcте. Темже, ревность вашу похваляюще, взываем сице:

Радуйтеся, лестию вражиею не уловленнии.

Радуйтеся, истину Христову подвигами любве исповедавшии.

Радуйтеся, всякую язю в людех исцеляющии.

Радуйтеся, лукавыя духи от людей прогоняющии.

Радуйтеся, небоязненнии проповедницы любве Божия.

Радуйтеся, служения врачебнаго ревнителие.

Радуйтеся, веры Православныя поборницы.

Радуйтеся, столпи непоколебимии, духа любве и ревности о славе Божией исполненнии.

Радуйтеся, немолчнии велений Господних провозвестницы.

Радуйтеся, вернии наставницы богомудрия.

Радуйтеся, Царствия Христова надежнии нам ходатаи.

Радуйтеся, и по смерти вашей нас не оставляющии.

Радуйтеся, Космо и Дамиане, святии безсребреницы и преславнии чудотворцы.

Кондак 3

Силою Вышняго, данною вам, еще во временней жизни прияли есте власть чудесно исцеляти всякия недуги; по смерти же вашей наипаче прослави вас Бог многими чудотворении, да вси притекаем к вам, молящеся о исцелении от недугов телесных, паче же душевных, и Богу велегласно вопием: Аллилуиа.

Икос 3

Имуще, яко многоценное сокровище, многоцелебныя мощи ваша, радуемся и, любовию воспевающе данную вам от Бога благодать исцелений, благодарно зовем:

Радуйтеся, теплии о нас к Богу предстателие.

Радуйтеся, еллинская мудрования отца вашего оставльшия.

Радуйтеся, Асии светильницы всесветлии.

Радуйтеся, омраченных стран просветителие.

Радуйтеся, мужества и терпения наставницы.

Радуйтеся, два светильника, на земли добрыми делы возсиявшии.

Радуйтеся, братия по плоти, материю вашею Феодотиею в добром наказании воспитаннии.

Радуйтеся, раби Божии, от Господа Христа венцы победы приемшии.

Радуйтеся, дивный и прекрасный смирения и кротости образ всем показавшии.

Радуйтеся, непоколебимое Православия основание.

Радуйтеся, светлая безсребреников славо.

Радуйтеся, доблии целебницы, ни от когоже мзды за исцеления вземшии.

Радуйтеся, Космо и Дамиане, святии безсребреницы и преславнии чудотворцы.

Кондак 4

Бурею смущения исполнен был еси, святый Дамиане, егда жена некая Палладия, тобою вкупе со святым Космою от болезни смертныя исцеленная, хотяше от избытка благодарнаго сердца дарование некое своим благодатным врачем воздати; ты же, видя брата твоего от таковаго приношения отрекшася, втай приял еси от тоя жены три яйца во имя Святыя Троицы. Сего ради святый Косма печален бысть, и завеща, да по смерти твоей не положен будеши близ гроба братня. Егда же по преставлении твоем, людие в недоумении быша, где погребсти тя, верблюд некий человеческим гласом проглагола, да погребут тя близ Космы святаго, яко прославленна с ним пред Богом, понеже не мзды ради, но имени ради Божия приял еси три яйца. Таковому велию чуду дивящеся, людие погребоша тя вкупе с братом твоим, с радостию поюще Богу: Аллилуиа.

Икос 4

Слышавше асийстии людие велию вашу к страждущим любовь и чудесное врачевание ваше, отвсюду устремляхуся к вам с верою в целебную благодать Божию, в вас действующую; приемлюще же скорое исцеление, прославляху Бога, вас же, милосердых целителей своих, величаху, воспевая сице:

Радуйтеся, Бога истиннаго непреоборимии проповедницы.

Радуйтеся, силою Креста Христова недугующим безмезднии целебницы.

Радуйтеся, блазии врачеве, страждущим скории помощницы.

Радуйтеся, вся немощныя туне врачующии.

Радуйтеся, и ныне исцеления обильно источающии.

Радуйтеся, милостивии утешителие в бедах и скорбех сущим.

Радуйтеся, во всяких обстояниих нас защищающии.

Радуйтеся, безпомощных спасительное призрение.

Радуйтеся, праведных преславное украшение.

Радуйтеся, предстательство наше крепкое.

Радуйтеся, прилежнии о нас к Богу молитвенницы.

Радуйтеся, всем верою призывающим вас скории помощницы.

Радуйтеся, Космо и Дамиане, святии безсребреницы и преславнии чудотворцы.

Кондак 5

Боготечным воистину путем шествовасте, раби Христовы, егда благая мира презресте служения ради болящим, Христу же Единому поработасте, горькая испытания терпели есте, святии; но вся претерпесте за возлюбльшаго вас Христа. Темже великому терпению и крепцей любви вашей ко Господу дивящеся, купно с вами поем Ему: Аллилуиа.

Икос 5

Видевше исцеленнии вами, яко силою Христовою исцелеша - хвалу Тому воздаша. Мы же, славяще Бога, ублажаем вас, славных угодников Его, вопиюще сице:

Радуйтеся, горняя паче дольних возлюбившии.

Радуйтеся, ангельскому житию на земли поревновавшии.

Радуйтеся, яко многобожие родителя вашего отринувше, благочестия матерня не отступили есте.

Радуйтеся, яко вся имения своя, по словеси Господню, нищим раздали есте, да Христа приобрящете.

Радуйтеся, не словом точию, но множае паче делом и непрестанною к Богу молитвою иных поучившии.

Радуйтеся, неоскудный источник исцелений ныне являющии.

Радуйтеся, излиянием чудес, данных вам от Бога, нас обогащающии.

Радуйтеся, в самих себе храм Богу уготовавшии.

Радуйтеся, скорое нищих услышание.

Радуйтеся, скорбных приятное попечение.

Радуйтеся, ненадежных известное надеяние.

Радуйтеся, болящих скорое врачевание.

Радуйтеся, Космо и Дамиане, святии безсребреницы и преславнии чудотворцы.

Кондак 6

Проповедницы имене Христова в животе своем бывше, и ныне силу Того свидетельствуете чудесы, от иконы вашея источаемыми; и якоже веры иногда жены некия Палладии не презресте, но пришедше в дом ея, исцеление от смертнаго недуга ей даровали есте; сице и наших молений и пений гласы услышите, о святии безсребреницы! Вере же и любви людей ваших внемлите и покров нам свыше даруйте, хвалящим вас и поющим Богу: Аллилуиа.

Икос 6

Возсия, яко свет, правда ваша, егда укоряеми неверующими, яко не от Бога получили есте дар исцелений, рекосте к людем града вашего: «Не волшебною хитростию врачуем болезни, но силою Спаса нашего Иисуса Христа, якоже Той заповеда, глаголя: «Болящия исцеляйте, прокаженныя очищайте, туне приясте, туне дадите». Темже, благодатному слову вашему дивящеся, ублажаем вас сими:

Радуйтеся, образ любве и веры нам показавшии.

Радуйтеся, райския радости присно наслаждающиися.

Радуйтеся, премудрии сеятелие благочестия.

Радуйтеся, славнии проповедницы Православия.

Радуйтеся, учителие, к небеси наставляющии.

Радуйтеся, чистаго и непорочнаго жития неусыпнии хранителие.

Радуйтеся, теплии послушателие молящихся вам.

Радуйтеся, ко спасению изящнии и вернии путеводителие.

Радуйтеся, благочестно и богоугодно жити хотящим блазии наставницы.

Радуйтеся, ходатаи благии всем почитающим память вашу.

Радуйтеся, добре и в мире течение свое скончавшии.

Радуйтеся, венцы правды от Владыки Христа приявшии.

Радуйтеся, Космо и Дамиане, святии безсребреницы и преславнии чудотворцы.

Кондак 7

Хотящу мужу некоему во время жатвы от зноя солнечнаго мало почити, и крепко уснувшу ему, вниде змий во уста и вселися во чрево, егда же возстав муж той от сна, ощути во чреве своем болезнь от терзания змиева, и абие нача велиим гласом вопити: «Святии врачеве Космо и Дамиане, помозите ми!», и абие вы, угодницы Божии, приспеша ему на помощь: и успиша его зело, и молитвами своими начаша изгоняти змия, и, всем тамо зрящим, изыде змий из уст человека того, и вси ужасающеся о страшном чудеси том, благодарственно воспеша Богу: Аллилуиа.

Икос 7

Дивнии о нас молитвенницы, целителие душ и телес наших и ходатаи спасения вечнаго, благодарным сердцем воспевающе хвалебную песнь Богу, даровавшему нам таковых великих чудотворцев, приносим и вам похвалы сицевая:

Радуйтеся, Ангелов терпением вашим удивившии.

Радуйтеся, божественным сиянием чудес своих вся просветившии.

Радуйтеся, скории от всяких болезней безмезднии врачеве.

Радуйтеся, заступлением вашим разслабленныя исцеляющии.

Радуйтеся, от неисцельных болезней здравы воздвизающии.

Радуйтеся, достойне совершившии земный подвиг жития вашего.

Радуйтеся, о нас, обнаженных добрых дел, присно к Богу предстательствующии.

Радуйтеся, яко сиянием премудрости, от Господа вам данныя, всех верных просвещаете.

Радуйтеся, молитвенницы о нас и заступницы наши предивнии.

Радуйтеся, доблии врачеве Христовы.

Радуйтеся, без мзды туне всем исцеления подающии.

Радуйтеся, чудесы своими идольское безумие обличившии.

Радуйтеся, Космо и Дамиане, святии безсребреницы и преславнии чудотворцы.

Кондак 8

Странное мирови житие ваше видяще, устранимся и мы того сует и, ум на небеса преложше, возопиим к вам, святии безсребреницы: утолите болезни, источая благодатная врачевания всем усердно к помощи вашей притекающим и вопиющим Богу: Аллилуиа.

Икос 8

Все житие ваше на земли любовию к Богу и к ближним исполнивше, святии безсребреницы Космо и Дамиане, скории и ныне помощницы являетеся всем с верою призывающим вас: не точию бо притекающим ко святым мощем вашим, но и далече сущим исцеления источаете. Темже приносим вам похвалы сия:

Радуйтеся, Единому Богу, в Троице славимому, верно послужившии.

Радуйтеся, единое еже на потребу премудре избравшии.

Радуйтеся, яко в неустаннем труде и подвизе дни и нощи ваша без всякаго уныния препроводили есте.

Радуйтеся, яко сицевым вашим тесным и скорбным житием славу Божию в человецех умножили есте.

Радуйтеся, доблии Христовы последователие.

Радуйтеся, яко научители и творцы Христовых заповедей явилися есте.

Радуйтеся, яко именами велиих в Царствии Небесном наречени бысте.

Радуйтеся, славою Христовою весь мир озарившии.

Радуйтеся, яко любовию к ближним безстрастие прияли есте.

Радуйтеся, яко безмездным врачеванием безсмертие стяжали есте.

Радуйтеся, яко Ангели на небеси и на земли прославленнии.

Радуйтеся, яко Богу ныне венценоснии предстоите.

Радуйтеся, Космо и Дамиане, святии безсребреницы и преславнии чудотворцы.

Кондак 9

Всякое естество человеческое удивися сиянию в вас благодати Божией, святии Космо и Дамиане, егда нечестивии людие, узревше чудеса, о имени Господа Иисуса Христа вами творимая, увероваша и прославиша Бога. Темже и мы, славяще Давшаго вам сицевую силу, поем Ему: Аллилуиа.

Икос 9

Вития многовещанныя недоумеют довольно изобразити обилие любве вашея, еюже преисполнени бысте, святии угодницы, к человеком о Господе. Сего ради из глубины сердец наших вопием к вам:

Радуйтеся, Господу своему даже до смерти поработавшии.

Радуйтеся, огнем любве Божия воспаляема огнь жертв идольских угасившии.

Радуйтеся, ближняго паче самих себе возлюбившии.

Радуйтеся, яко болящия и недужныя посещали есте.

Радуйтеся, нужды убогих предварявшии.

Радуйтеся, печальных утешителие.

Радуйтеся, отчаянных заступницы.

Радуйтеся, сирых питателие.

Радуйтеся, люте страждущим помощницы.

Радуйтеся, угнетенных свободителие.

Радуйтеся, яко добре течение скончавше, ко Христу вознесостеся.

Радуйтеся, яко в Царствии Его водворяетеся.

Радуйтеся, Космо и Дамиане, святии безсребреницы и преславнии чудотворцы.

Кондак 10

Спасти хотя многия, яви нам Господь вы, чудотворцы Своя: кто бо не умилится, видя ваше безмерное ко всем сострадание? Кто ли вы не ублажит, яко не токмо человеки от недуг исцеляете, но и скоты милуете? Не отрините убо и наших молитв, но на вся ны неоскудно великия и богатыя ваша милости излейте, да вопием Богу: Аллилуиа.

Икос 10

Стены есте всем похваляющим чудеса ваша, о безсребреницы, и к заступлению вашему прибегающим; стены и забрала есте, ограждающия от всех бед усердно в помощь вас призывающих. Темже убо и нас от нищеты, напастей, недугов и скорбей оградите, молимся и тепле вопием к вам:

Радуйтеся, адамантову крепость в нестяжании превозшедшии.

Радуйтеся, дивно искушения сребролюбия победившии.

Радуйтеся, славнии в бедах заступницы.

Радуйтеся, немощных и обидимых укрепление.

Радуйтеся, крепцыи в напастех защитителие.

Радуйтеся, убогих и нищих всещедрии обогатителие.

Радуйтеся, алчущих милостивии кормителие.

Радуйтеся, болезньми и тяжкими недуги одержимых премудрии уврачевателие.

Радуйтеся, с верою к вам притекающим от всех скорбных обстояний и болезней теплии защитителие.

Радуйтеся, яко память ваша всеми славима на земли.

Радуйтеся, яко имена ваша написана суть на небесех.

Радуйтеся, яко от Бога препрославлени есте.

Радуйтеся, Космо и Дамиане, святии безсребреницы и преславнии чудотворцы.

Кондак 11

Пение всеумиленное, ныне нами приносимое, несть довольно к похвалению преславных подвигов и трудов ваших, яже Христа ради подъяли есте в животе своем; обаче дерзающе, просим: усердное моление наше приемше, и нас от бед своими молитвами избавите, да умиленным сердцем воспоим Богу: Аллилуиа.

Икос 11

Светозарный и небесный ум явили есте, егда славы земныя от врачевства не пожелали есте искати от человек, но точию славы Божия на небесех. Ныне же нетлением мощей ваших и множеством чудес Православие утверждаете. Темже благодарственно зовем:

Радуйтеся, Ипостасное Слово дерзновенно проповедавшии.

Радуйтеся, силу идольскую добропобедно упразднившии.

Радуйтеся, яко вами попрася служение бесом.

Радуйтеся, яко вами проповедася поклонение Христу.

Радуйтеся, учителие премудрии.

Радуйтеся, всех добродетелей неленостнии исполнителие.

Радуйтеся, яко по трудех земных в селениих небесных ликовствуете.

Радуйтеся, яко и по преставлении своем нас не оставляете.

Радуйтеся, яко всем с верою призывающим вас скорую помощь подаете.

Радуйтеся, святии врачеве, яко болезни наша исцеляете.

Радуйтеся, молитвы верных не отревающии.

Радуйтеся, и о нас, недостойных, у Престола Божия ходатайствующии.

Радуйтеся, Космо и Дамиане, святии безсребреницы и преславнии чудотворцы.

Кондак 12

Благодать, юже даде вам Господь Бог целити вся недуги душевныя же и телесныя, днесь собра нас, да почтим память вашу, святии безсребреницы Космо и Дамиане; благоговейно убо взирающе на честную икону вашу и со умилением сердца к ней припадающе, молим избавитися всем нам от всяких зол и болезней, да воспоим вси Богу: Аллилуиа.

Икос 12

Поюще чудеса ваша, восхваляем труды и подвиги, ублажаем благочестную в мире кончину вашу, почитаем ходатайство и сильное заступление ваше о всех требующих помощи вашея; величаем Подателя всех благ Бога, даровавшаго нам толико дивных молитвенников, и со умилением зовем:

Радуйтеся, Иисуса Господа верно проповедавшии.

Радуйтеся, истины Его доблии свидетелие.

Радуйтеся, теплии о нас у Престола Его предстателие.

Радуйтеся, телес наших благосострадательнии врачеве.

Радуйтеся, Царствия Небеснаго и вечных благих наследницы.

Радуйтеся, по Бозе все наше упование.

Радуйтеся, миро благовонное исцелений источающии.

Радуйтеся, страстей злосмрадие молитвами своими отревающии.

Радуйтеся, исцелений дателие и чудес источницы.

Радуйтеся, светоноснии столпи церковнии и забрала недвижимая.

Радуйтеся, винограда истиннаго божественныя лозы.

Радуйтеся, двоице световидная мудрых безсребреник.

Радуйтеся, Космо и Дамиане, святии безсребреницы и преславнии чудотворцы.

Кондак 13

О предивнии безсребреницы, чудотворцы, целителие и славнии угодницы Божии Космо и Дамиане! Приимите моления сия наша, от сокрушеннаго сердца возносимая, исцелите многообразныя недуги душ и телес наших, и теплым предстательством вашим испросите нам у Христа Бога избавление от всех бед и напастей, прощение прегрешений наших и благую надежду вечнаго спасения, да сподобимся с вами и со всеми святыми в безконечныя веки воспевати Богу, Спасителю нашему: Аллилуиа.

(Этот к ондак ч и тается трижды , затем икос 1 и к ондак 1).

Молитва

О чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающи, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отнюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите. Юныя дети, вашей помощи во учении книжном просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию, в терпении утвердите и наставите, да уразумеют волю о них Божию святую и совершенную и сами себе и живот свой воле Христа Бога предают. В недузех сущих, о исправлении же жития нерадящих, в гресех не раскаивающихся, сердцем ожесточенных сокрушите во спасение и к покаянию призовите, да немощни суще телом, здрави пребудут душею и причастницы соделаются Божия спасительныя благодати. И всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от изступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делах усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.

ЖИТИЕ

Святые чудотворцы безсребреники Косма и Дамиан Асийские (III в.) были родом из Малой Азии. Их отец - язычник умер, когда они были еще совсем малыми детьми. Воспитанием братьев в христианском благочестии занималась их мать Феодотия. Пример матери и чтение святых книг сохранили их в непорочной жизни по закону Господню: Косма и Дамиан возросли в мужей праведных и добродетельных.

Образованные и искусные врачи, они стяжали благодатный дар Духа Святого - силою молитвы исцелять душевные и телесные недуги людей, лечить животных. С горячей любовью к Богу и ближним братья вышли на общественное служение. С больных, которых лечили святые, они никогда не брали никакой платы, строго соблюдая заповедь Господа нашего Иисуса Христа: «Даром получили, даром давайте» (Мф. 10,8). Следуя за Господом, Который во время Своего пребывания на земле исцелил многих страдавших от различных болезней, святые братья возвращали людям главное сокровище земной жизни - здоровье.

Слава о святых Косме и Дамиане прошла по всей округе, и люди назвали их безсребрениками.

Но не ради своей славы они врачевали недуги, а ради славы Бога, даровавшего им благодать исцелений.

Однажды святых позвали к тяжело больной женщине, лечить которую отказались все врачи из-за ее безнадежного состояния. По вере Палладии (так звали больную) и по усердной молитве святых братьев Господь исцелил умирающую, и она встала с одра своего совершенно здоровой, славя Бога. Исполненная благодарности к целителям и желая, чтобы они приняли от нее хоть какой-нибудь дар, Палладия тайно пришла к Дамиану. Она принесла ему три яйца и сказала: «Приими этот малый дар во Имя Святой Живоначальной Троицы - Отца, Сына и Святого Духа». Услышав Имя Святой Троицы, бессребреник не посмел отказаться.

Косма же, узнав о случившемся, очень опечалился. Он подумал, что брат его нарушил их строгий обет. Вскоре исполнилось время святому Косме отходить ко Господу. Умирая, он завещал, чтобы брата не хоронили рядом с ним. Через малое время умер и святой Дамиан. Все были в большом недоумении, где будет могила Дамиана. Но тут, по воле Божией, совершилось чудо: к людям пришел верблюд, которого когда-то святые вылечили от бешенства, и проговорил человеческим голосом, чтобы не сомневаясь положили Дамиана рядом с Космой, потому что не ради мзды принял Дамиан дар женщины, а ради Имени Божия. Честные мощи святых братьев были положены вместе в г. Феремане (Месопотамия).

По смерти святые безсребреники совершили много чудес. Жил в Феремане, близ храма Космы и Дамиана,человек по имени Малх. Однажды, собираясь в далекий путь и оставляя супругу свою надолго одну, он молитвенно поручил ее небесному покровительству святых братьев. А враг рода человеческого задумал погубить женщину. Прошло немного времени, и диавол в образе одного из друзей Малха пришел к ней в дом и сказал, что послан Малхом, чтобы проводить ее к нему. Женщина поверила и пошла. Он завел ее в пустынное место и захотел надругаться над ней и убить. Женщина, увидев, что ей грозит опасность, с глубокой верой воззвала к Богу. Явились два грозных мужа. Тогда лукавый бросился бежать от женщины и исчез в пропасти. Мужи отвели женщину домой. У дома своего она, кланяясь им до земли, спросила: «Как зовут вас, спасители мои, кого благодарить мне до конца моих дней?» «Мы рабы Христовы Косма и Дамиан», - отвечали они и стали невидимы. Женщина со страхом и радостью рассказала всем о случившемся с ней, славя Бога и благодаря святых за избавление.

С тех пор святые братья Косма и Дамиан Асийские почитаются не только целителями различных болезней, но и покровителями христианских семей.

Молятся святым Косме и Дамиану Асийским о прозрении разума к учению грамоте. В одном азбуковнике XVII в. имеется прямое замечание: «Есть обычай многим учащимся совершати молебная святым безсребреникам Косме и Дамиану». Известно, что и греки почитают святых Косму и Дамиана помощниками в книжном учении. Есть свидетельство о том, что для испрошения этой помощи греки приходят именно в храм этих святых.

О лике святых безсребреников Космы и Дамиана

В сонме святых Церковь различает и прославляет особый лик безсребреников и чудотворцев . Это те блаженные мужи, которые, получив от Бога дарование исцелений и чудотворений (1 Кор. 12, 9 -10), туне - без всякой мзды - врачевали недуги людей, стараясь в то же время исправить их нравственность и утвердить на пути добродетели. Между ними особенно славны Косма и Дамиан, Кир и Иоанн, Пантелеимон и Ермолай.

Память святых безсребреников Космы и Дамиана святая Церковь совершает трижды, а дважды в год - 1 ноября и 1 июля - она почитает их особыми службами. В наших месяцесловах к именам безсребреников прилагаются слова: в ноябре - иже от Асии , а в июле - в Риме мучившихся . Это прибавление наводит на вопрос: одни ли и те же бессребреники воспоминаются Церковью или разные: два лица, или четыре, или шесть?

Некоторые говорят, что это были два лица, родившиеся в Асии, но пострадавшие в Риме. При внимательном исследовании их жизни открывается, что прославляемые в различные дни безсребреники Косма и Дамиан не одни и те же лица, а совершенно различные, и притом одни из них (1 ноября) скончались мирно, другие (1 июля и 17 октября) - мученически. Церковные службы, составленные в их честь, за исключением некоторых песнопений, также совершенно разные. Служба 1 ноября более торжественная.

Было три семейства, из которых в каждом два брата носили имена Космы и Дамиана. Все они угодили Богу и все причтены Церковью к лику святых. Одноименность их могла привести к смешению их лиц. Церковь это предвидела и потому в записях своих сохранила ясное указание на различие всех их. В древних списках после описания их жизни иногда помещалось такое обращение к читателю: « Ведомо же буди всем, творящим памяти святых Космы и Дамиана, яко три суть версты (пары, четы) святых, но теми же имены нарицаемы, и врачевскую хитрость умевающи, нареченныя безсребреники » . Такое же ясное указание на различие их можно видеть и в Четьях-минеях святителя Димитрия.

Под 17-м днем октября так сказано: « Три суть двоицы свв. безсребреников Космы и Дамиана, купно сими имены зовомы, врачевскую хитрость имущие. Едине быша сынове Феодотии жены благочестивыя, иже с миром усопша, и положени быша на месте Фереман (1 ноября). Друзии же хождаху в Риме, имуще учителя завистлива, ихже он лестию на гору возведе, аки собирати былие, и камением поби их (1 июля). Третии же сии, ихже почитается ныне память (17 октября), бяху от Аравитския страны, врачевское художество умеющии » .

Особенно наглядное указание на различие их всех представляют наши древние иконописные подлинники. В них после одежд так описывается наружный вид святых безсребреников. Безсребреники от 1 ноября: «В руках ящички с лекарством, причем у Космы - ложечка, а у Дамиана - остриженное перо».

Безсребреники от 1 июля: «У св. Космы в руках стклянница и стручец, т.е. остриженное перо. У св. Дамиана - в руках ящик с лекарствами, в руке баночка и тряпочка с мазью, или ложечка».

Безсребреники от 17 октября: «На главах у свв. Космы и Дамиана повязки; в руках у них ящики с лекарством» . Так строго различает лица святых безребреников, носящих имена Космы и Дамиана, наша Православная Церковь.

Присовокупим к этому, что вопрос о святых, известных под именами Космы и Дамиана, был рассматриваем учеными писателями западной Церкви и разрешен ими согласно с указанием нашей Церкви Греко-Восточной.

По благословению

Кондак 1

И збраннии чудотворцы, безсребреницы Христовы и врачеве премудрии, туне подающии здравие в болезнех сущим, похвальная восписуем вам, заступником нашим и в скорбех помощником: вы бо сосуди благодати суще, исцеляете душевныя и телесныя наша язвы. Темже славяще Бога, дивнаго во святых Своих, вас усердно ублажаем:

Икос 1

А нгельскому жительству поревновавше, вся земная презрели есте, и подвигом нестяжания венчавшеся, лицезрения Господа сил сподобилися есте. Молитеся убо за ны прилежно, к помощи вашей притекающих и похвальная вам вопиющих:

Радуйтеся, молитвенницы теплии о чтущих святую память вашу; радуйтеся, оставленных врачами неоскудно исцеляющии.

Радуйтеся, яко дом, имение и вся родителей стяжания ни во что же вменили есте; радуйтеся, нищия милосердием вашим препитавшии.

Радуйтеся, страждущия сердоболием утешавшии; радуйтеся, чистотою и святостию Ангелом уподобившиися.

Радуйтеся, светильницы Божественнаго света; радуйтеся, небеснии человецы, земнии Ангели.

Радуйтеся, яко христианом есте прибежище непостыдное; радуйтеся, все житие свое даже до последняго издыхания в служении Господу истощившии.

Радуйтеся, всесветлое благодати приятелище, Духа Святаго сосуди; радуйтеся, всем, призывающим вас, скории помощницы.

Радуйтеся, Космо и Дамиане, святии безсребреницы и преславнии чудотворцы.

Кондак 2

В идя Господь Бог добрая ваша начинания и велие ко благочестию усердие ваше, яко вся земная и благая мира сего уметы вменивше, в непрестаннем труде любве ради ближняго пребысте и души своя благими нравы украсили есте, преисполни вас Духа Святаго, Егоже лучами озаритися и нам испросите у Христа Бога, да купно с вами поем Ему: Аллилуиа.

Икос 2

Р азумом истиннаго богопознания люди нечестивыя научили есте, вразумив тех силою словес ваших, имиже дерзновенно Христа проповедаете. Темже ревность вашу похваляюще, взываем сице:

Радуйтеся, лестию вражиею не уловленнии; радуйтеся, истину Христову подвигами любве исповедавшии.

Радуйтеся, всякую язю в людех исцеляющии; радуйтеся, лукавыя духи от людей прогоняющии.

Радуйтеся, небоязненнии проповедницы любве Божия; радуйтеся, служения врачебнаго ревнителие.

Радуйтеся, веры православныя поборницы; радуйтеся, столпи непоколебимии, духа любве и ревности о славе Божией исполненнии.

Радуйтеся, немолчнии велений Господних провозвестницы; радуйтеся, вернии наставницы богомудрия.

Радуйтеся, Царствия Христова надежнии нам ходатаи; радуйтеся, и по смерти вашей нас не оставляющии.

Радуйтеся, Космо и Дамиане, святии безсребреницы и преславнии чудотворцы.

Кондак 3

С илою Вышняго, данною вам, еще во временней жизни прияли есте власть чудесно исцеляти всякия недуги; по смерти же вашей наипаче прослави вас Бог многими чудотворении, да вси притекаем к вам, молящеся о исцелении от недугов телесных, паче же душевных, и Богу велегласно вопием: Аллилуиа.

Икос З

И муще, яко многоценное сокровище, многоцелебныя мощи ваша, радуемся и, любовию воспевающе данную вам от Бога благодать исцелений, благодарно зовем:

Радуйтеся, теплии о нас к Богу предстателие; радуйтеся, еллинская мудрования отца вашего оставльшия.

Радуйтеся, Асии светильницы всесветлии; радуйтеся, омраченных стран просветителие.

Радуйтеся, мужества и терпения наставницы; радуйтеся, два светильника, на земли добрыми делы возсиявшии.

Радуйтеся, братия по плоти, материю вашею Феодотиею в добром наказании воспитаннии; радуйтеся, раби Божии, от Господа Христа венцы победы приемшии.

Радуйтеся, дивный и прекрасный смирения и кротости образ всем показавшии; радуйтеся, непоколебимое православия основание.

Радуйтеся, светлая безсребреников славо; радуйтеся, доблии целебницы, ни от когоже мзды за исцеления вземшии.

Радуйтеся, Космо и Дамиане, святии безсребреницы и преславнии чудотворцы.

Кондак 4

Б урею смущения исполнен был еси, святый Дамиане, егда жена некая Палладия, тобою вкупе со святым Космою от болезни смертныя исцеленная, хотяше от избытка благодарнаго сердца дарование некое своим благодатным врачем воздати, ты же, видя брата твоего от таковаго приношения отрекшася, втай приял еси от тоя жены три яйца, услышавше яко та заклинает тя Богом, да тии три яйца во имя Святыя Троицы от нея приемлеши. Сего ради святый Косма печален бысть, и завеща, да по смерти твоей не положен будеши близ гроба братня. Егда же по преставлении твоем, людие в недоумении быша, где погребсти тя, верблюд некий человеческим гласом проглагола, да погребнут тя близ Космы святаго, яко прославленна с ним пред Богом, понеже не мзды ради, но имени ради Божия приял еси три яйца. Таковому велию чуду дивящеся, людие погребоша тя вкупе с братом твоим, с радостию поюще Богу: Аллилуиа.

Икос 4

С лышавше асийстии людие велию вашу к страждущим любовь и чудесное врачевание ваше, отвсюду устремляхуся к вам с верою в целебную благодать Божию, в вас действующую; приемлюще же скорое исцеление, прославляху Бога, вас же, милосердых целителей своих, величаху, воспевая сице:

Радуйтеся, Бога истиннаго непреборимии проповедницы; радуйтеся, силою Креста Христова недугующим безмезднии целебницы.

Радуйтеся, блазии врачеве, страждущим скории помощницы; радуйтеся, вся немощныя туне врачующии.

Радуйтеся, и ныне исцеления обильно источающии; радуйтеся, милостивии утешителие в бедах и скорбех сущим.

Радуйтеся, во всяких обстояниих нас защищающии; радуйтеся, безпомощных спасительное призрение.

Радуйтеся, праведных преславное украшение; радуйтеся, предстательство наше крепкое.

Радуйтеся, прилежнии о нас к Богу молитвенницы; радуйтеся, всем, верою призывающим вас, скории помощницы.

Радуйтеся, Космо и Дамиане, святии безсребреницы и преславнии чудотворцы.

Кондак 5

Б оготечным воистину путем шествовасте, раби Христовы, егда благая мира презресте служения ради болящим, Христу же Единому поработасте, горькая испытания терпели есте, святии; но вся претерпесте за возлюбльшаго вас Христа. Темже великому терпению и крепцей любви вашей ко Господу дивящеся, купно с вами поем Ему: Аллилуиа.

Икос 5

В идевше исцеленнии вами, яко силою Христовою исцелеша, хвалу Тому воздаша. Мы же славяще Бога, ублажаем вас, славных угодников Его, вопиюще сице:

Радуйтеся, горняя паче дольних возлюбившии; радуйтеся, ангельскому житию на земли поревновавшии.

Радуйтеся, яко многобожие родителя вашего отринувше, благочестия матерня не отступили есте; радуйтеся, яко вся имения своя, по словеси Господню, нищим раздали есте, да Христа приобрящете.

Радуйтеся, не словом точию, но множае паче делом и непрестанною к Богу молитвою иных поучившии; радуйтеся, неоскудный источник исцелений ныне являющии.

Радуйтеся, излиянием чудес, данных вам от Бога, нас обогащающии; радуйтеся, в самих себе храм Богу уготовавшии.

Радуйтеся, скорое нищих услышание; радуйтеся, скорбных приятное попечение.

Радуйтеся, ненадежных известное надеяние; радуйтеся, болящих скорое врачевание.

Радуйтеся, Космо и Дамиане, святии безсребреницы и преславнии чудотворцы.

Кондак 6

П роповедницы имене Христова в животе своем бывше, и ныне силу Того свидетельствуете чудеси, от иконы вашея источаемыми, и якоже веры иногда жены некия Палладии не презресте, но пришедше в дом ея, исцеление от смертнаго недуга ей даровали есте; сице и наших молений и пений гласы услышите, о святии безсребреницы! Вере же и любви людей ваших внемлите и покров нам свыше даруйте, хвалящим вас и поющим Богу: Аллилуиа.

Икос 6

В озсия, яко свет, правда ваша, егда укоряеми неверующими, яко не от Бога получили есте дар исцелений, рекосте к людем града вашего: не волшебною хитростию врачуем болезни, но силою Спаса нашего Иисуса Христа, якоже Той заповеда, глаголя: болящия исцеляйте, прокаженныя очищайте, туне приясте, туне дадите. Темже благодатному слову вашему дивящеся, ублажаем вас сими:

Радуйтеся, образ любве и веры нам показавшии; радуйтеся, райския радости присно наслаждающиися.

Радуйтеся, премудрии сеятелие благочестия; радуйтеся, славнии проповедницы православия.

Радуйтеся, учителие, к небеси наставляющии; радуйтеся, чистаго и непорочнаго жития неусыпнии хранителие.

Радуйтеся, теплии послушателие молящихся вам; радуйтеся, ко спасению изящнии и вернии путеводителие.

Радуйтеся, благочестно и богоугодно жити хотящим блазии наставницы; радуйтеся, ходатаи благим всем, почитающим память вашу.

Радуйтеся, добре и в мире течение свое скончавшии; радуйтеся, венцы правды от Владыки Христа приявшии.

Радуйтеся, Космо и Дамиане, святии безсребреницы и преславнии чудотворцы.

Кондак 7

Х отящу мужу некоему во время жатвы от зноя солнечнаго мало почити, и крепко уснувшу ему, вниде змий во уста и вселися во чрево, егдаже возстав муж той от сна, ощути во чреве своем болезнь от терзания змиева и абие нача велиим гласом вопити: святии врачеве Космо и Дамиане, помозите ми, и абие вы, угодницы Божии, приспеша ему на помощь и успиша его зело, и молитвами своими начаша изгоняти змия и, всем тамо зрящим, изыде змий из уст человека того, и вси ужасающеся о страшнем чудесе том, благодарственно воспеша Богу: Аллилуиа.

Икос 7

Д ивнии о нас молитвенницы, целителие душ и телес наших и ходатаи спасения вечнаго, благодарным сердцем воспевающе хвалебную песнь Богу, даровавшему нам таковых великих чудотворцев, приносим и вам похвалы сицевая:

Радуйтеся, ангелов терпением вашим удивившии; радуйтеся, божественным сиянием чудес своих вся просветившии.

Радуйтеся, скории от всяких болезней безмезднии врачеве; радуйтеся, заступлением вашим разслабленныя исцеляющии.

Радуйтеся, от неисцельных болезней здравы воздвизающии; радуйтеся, достойне совершившии земный подвиг жития вашего.

Радуйтеся, о нас, обнаженных добрых дел, присно к Богу предстательствующии; радуйтеся, яко сиянием премудрости, от Господа вам данныя, всех верных просвещаете.

Радуйтеся, молитвенницы о нас и заступницы наши предивнии; радуйтеся, доблии врачеве Христовы.

Радуйтеся, без мзды туне всем исцеления подающии; радуйтеся, чудесы своими идольское безумие обличившии.

Радуйтеся, Космо и Дамиане, святии безсребреницы и преславнии чудотворцы.

Кондак 8

С транное мирови житие ваше видяще, устранимся и мы того сует и, ум на небеса преложше, возопиим к вам, святии безсребреницы: утолите болезни, источая благодатная врачевания всем, усердно к помощи вашей притекающим и вопиющим Богу: Аллилуиа.

Икос 8

В се житие ваше на земли любовию к Богу и к ближним исполнивше, святии безсребреницы Космо и Дамиане, скории и ныне помощницы являетися всем, с верою призывающим вас; не точию бо близ притекающим ко святым мощем вашим, но и далече сущим исцеления источаете. Темже приносим вам похвалы сия:

Радуйтеся, Единому Богу, в Троице славимому, верно послужившии; радуйтеся, единое еже на потребу премудре избравшии.

Радуйтеся, яко в неустаннем труде и подвизе дни и нощи ваша без всякаго уныния препроводили есте; радуйтеся, яко сицевым вашим тесным и скорбным житием славу Божию в человецех умножили есте.

Радуйтеся, доблии Христовы последователие; радуйтеся, яко научители и творцы Христовых заповедей явилися есте.

Радуйтеся, яко именами велиих в Царствии Небеснем наречени бысте; радуйтеся, славою Христовою весь мир озарившии.

Радуйтеся, яко любовию к ближним безстрастие прияли есте; радуйтеся, яко безмездным врачеванием безсмертие стяжали есте.

Радуйтеся, яко ангели, на небеси и на земли прославленнии; радуйтеся, яко Богу ныне венценоснии предстоите.

Радуйтеся, Космо и Дамиане, святии безсребреницы и преславнии чудотворцы.

Кондак 9

В сякое естество человеческое удивися сиянию в вас благодати Божией, святии Космо и Дамиане, егда нечестивии людие, узревше чудеса, о имени Господа Иисуса Христа вами творимая, увероваша и прославиша Бога. Темже и мы, славяще Давшаго вам сицевую силу, поем Ему: Аллилуиа.

Икос 9

В ития многовещанныя недоумеют довольно изобразити обилие любве вашея, еюже преисполнени бысте, святии угодницы, к человеком о Господе. Сего ради из глубины сердец наших вопием к вам:

Радуйтеся, Господу своему даже до смерти поработавшии; радуйтеся, огнем любве Божия воспаляема огнь жертв идольских угасившии.

Радуйтеся, ближняго паче самих себе возлюбившии; радуйтеся, яко болящия и недужныя посещали есте.

Радуйтеся, нужды убогих предварявшии; радуйтеся, печальных утешителие.

Радуйтеся, отчаянных заступницы; радуйтеся, сирых питателие.

Радуйтеся, люте страждущим помощницы; радуйтеся, угнетенных свободителие.

Радуйтеся, яко добре течение скончавше, ко Христу вознесостеся; радуйтеся, яко в Царствии Его водворяетеся.

Радуйтеся, Космо и Дамиане, святии безсребреницы и преславнии чудотворцы.

Кондак 10

С пасти хотя многая, яви нам Господь вы, чудотворцы Своя: кто бо не умилится, видя ваше безмерное ко всем сострадание; кто ли вы не ублажит, яко не токмо человеки от недуг исцеляете, но и скоты милуете; не отрините убо и наших молитв, но на вся ны неоскудно великия и богатыя ваша милости излейте, да вопием Богу: Аллилуиа.

Икос 10

С тены есте всем, похваляющим чудеса ваша, о безсребреницы, и к заступлению вашему прибегающим, стены и забрала есте, ограждающии от всех бед усердно в помощь вас призывающих. Темже убо и нас от нищеты, напастей, недугов и скорбей оградите, молимся и тепле вопием к вам:

Радуйтеся, адамантову крепость в нестяжании превозшедшии; радуйтеся, дивно искушения сребролюбия победившии.

Радуйтеся, славнии в бедах заступницы; радуйтеся, немощных и обидимых укрепление.

Радуйтеся, крепцыи в напастех защитителие; радуйтеся, убогих и нищих всещедрии обогатителие.

Радуйтеся, алчущих милостивии кормителие; радуйтеся, болезньми и тяжкими недуги одержимых премудрии уврачевателие.

Радуйтеся, с верою к вам притекающим от всех скорбных обстояний и болезней теплии защитителие; радуйтеся, яко память ваша всеми славима на земли.

Радуйтеся, яко имена ваша написана суть на небесех; радуйтеся, яко от Бога препрославлени есте.

Радуйтеся, Космо и Дамиане, святии безсребреницы и преславнии чудотворцы.

Кондак 11

П ение всеумиленное, ныне нами приносимое, несть довольно к похвалению преславных подвигов и трудов ваших, яже Христа ради подъяли есте в животе своем; обаче дерзающе просим, усердное моление наше приемше, и нас от бед своими молитвами избавите, да умиленным сердцем воспоим Богу: Аллилуиа.

Икос 11

С ветозарный и небесный ум явили есте, егда славы земныя от врачевства не пожелали есте искати от человек, но точию славы Божия на небесех. Ныне же нетлением мощей ваших и множеством чудес православие утверждаете. Темже благодарственно зовем:

Радуйтеся, Ипостасное Слово дерзновенно проповедавшии; радуйтеся, силу идольскую добропобедно упразднившии.

Радуйтеся, яко вами попрася служение бесом; радуйтеся, яко вами проповедася поклонение Христу.

Радуйтеся, учителие премудрии; радуйтеся, всех добродетелей неленостнии исполнителие.

Радуйтеся, яко по трудех земных в селениих небесных ликовствуете; радуйтеся, яко и по преставлении своем нас не оставляете.

Радуйтеся, яко всем, с верою призывающим вас, скорую помощь подаете; радуйтеся, святии врачеве, яко болезни наша исцеляете.

Радуйтеся, молитвы верных не отревающии; радуйтеся, и о нас недостойных у Престола Божия ходатайствующии.

Радуйтеся, Космо и Дамиане, святии безсребреницы и преславнии чудотворцы.

Кондак 12

Б лагодать, юже даде вам Господь Бог, целити вся недуги душевныя же и телесныя, днесь собра нас, да почтим память вашу, святии безсребреницы Космо и Дамиане, благоговейно убо взирающе на честную икону вашу и со умилением сердца к ней припадающе, молим избавитися всем нам от всяких зол и болезней, да воспоим вси Богу: Аллилуиа.

Икос 12

П оюще чудеса ваша, восхваляем труды и подвиги, ублажаем благочестную в мире кончину вашу, почитаем ходатайство и сильное заступление ваше о всех, требующих помощи вашея; величаем Подателя всех благ Бога, даровавшаго нам толико дивных молитвенников, и со умилением зовем:

Радуйтеся, Иисуса Господа верно проповедавшии; радуйтеся, истины Его доблии свидетелие.

Радуйтеся, теплии о нас у Престола Его предстателие; радуйтеся, телес наших благосострадательнии врачеве.

Радуйтеся, Царствия Небеснаго и вечных благих наследницы; радуйтеся, по Бозе все наше упование.

Радуйтеся, миро благовонное исцелений источающии; радуйтеся, страстей злосмрадие молитвами своими отревающии.

Радуйтеся, исцелений дателие и чудес источницы; радуйтеся, светоноснии столпи церковнии и забрала недвижимая.

Радуйтеся, винограда истиннаго божественныя лозы; радуйтеся, двоице световидная мудрых безсребреник.

Радуйтеся, Космо и Дамиане, святии безсребреницы и преславнии чудотворцы.

Кондак 13

О предивнии безсребреницы, чудотворцы, целителие и славнии угодницы Божии Космо и Дамиане, приимите моления сия наша, от сокрушеннаго сердца возносимая; исцелите многообразныя недуги душ и телес наших и теплым предстательством вашим испросите нам от Христа Бога избавление от всех бед и напастей, прощение прегрешений наших и благую надежду вечнаго спасения, да сподобимся с вами и со всеми святыми в безконечныя веки воспевати Богу, Спасителю нашему: Аллилуиа.

Этот кондак читается трижды, затем икос 1-й «Ангельскому жительству…» и кондак 1-й «Избраннии чудотворцы…».

Молитва

О чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите.

Юныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и совершенную, и сами себе и живот свой воле Христа Бога предают. В недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию святаго храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от исступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.

Тропарь, глас 8

С вятии безсребреницы и чудотворцы, Космо и Дамиане, посетите немощи наша: туне приясте, туне дадите нам.

Кондак, глас 2

Б лагодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложите, мир исцеляюще чудесы.

Величание

В еличаем вас, святии безсребренницы и чудотворцы Космо и Дамиане, и чтим святую память вашу, наставницы заблуждших, исцелители болящих и собеседницы Ангелов.

Кондак 1
Избраннии чудотворцы, страстотерпцы Христовы и врачеве премудрии, туне подающии здравие в болезнех сущим, похвальная восписуем вам, заступником нашим и в скорбех помощником: вы бо сосуди благодати суще, исцеляете душевныя и телесныя наша язвы. Темже славяще Бога, дивнаго во святых Своих, вас усердно ублажаем: Радуйтеся, Космо и Дамиане, святии безсребренницы и преславнии чудотворцы.

Икос 1
Ангельскому жительству поревновавше, вся земная презрели есте и, подвигом мученичества венчавшеся, лицезрения Господа сил сподобилися есте. Молитеся убо за ны прилежно, к помощи вашей притекающих и похвальная вам вопиющих: Радуйтеся, молитвенницы теплии о чтущих святую память вашу; Радуйтеся, оставленных врачами неоскудно исцеляющии. Радуйтеся, яко дом, имение и вся родителей стяжания ни во чтоже вменили есте; Радуйтеся, нищия милосердием вашим препитавшии. Радуйтеся, страждущия сердоболием утешавшии; Радуйтеся, чистотою и святостию Ангелом уподобившиися. Радуйтеся, светильницы Божественнаго света; Радуйтеся, небеснии человецы, земнии Ангели. Радуйтеся, яко христианом есте прибежище непостыдное; Радуйтеся, все житие свое даже до последняго издыхания в служении Господу истощившии. Радуйтеся, всесветлое благодати приятелище, Духа Святаго сосуди; Радуйтеся, всем, призывающим вас, скории помощницы. Радуйтеся, Космо и Дамиане, святии безсребренницы и преславнии чудотворцы.

Кондак 2
Видя Господь Бог добрая ваша начинания и велие ко благочестию усердие ваше, яко вся земная и благая мира сего уметы вменивше, в непрестаннем труде любве ради ближняго пребысте и души своя благими нравы украсили есте, преисполни вас Духа Святаго, Егоже лучею озаритися и нам испросите у Христа Бога, да купно с вами поем Ему: Аллилуиа.

Икос 2
Разумом истиннаго богопознания царя нечестиваго научили есте, вразумив того силою словес ваших, имиже дерзновенно Христа проповедаете. Темже дерзновение ваше похваляюще, взываем сице: Радуйтеся, лестию нечестиваго царя не уловленнии; Радуйтеся, истину Христову дерзновенно пред ним исповедавшии. Радуйтеся, прещения его не убоявшиися; Радуйтеся, нечестивых соборища посрамившии. Радуйтеся, небоязненнии проповедницы истины; Радуйтеся, служения идольскаго потребителие. Радуйтеся, веры православныя поборницы; Радуйтеся, исповедницы непоколебимии, духа терпения и ревности о славе Божией исполненнии. Радуйтеся, немолчнии велений Господних провозвестницы; Радуйтеся, вернии наставницы богомудрия. Радуйтеся, Царствия Христова надежднии нам ходатаи; Радуйтеся, и по смерти вашей нас не оставляющии. Радуйтеся, Космо и Дамиане, святии безсребренницы и преславнии чудотворцы.

Кондак 3
Силою Вышняго, данною вам еще во временней жизни, прияли есте власть чудесно исцеляти всякия недуги; по смерти же вашей наипаче прослави вас Бог многими чудотворении, да вси притекаим к вам, молящеся о исцелении от недугов телесных, паче же душевных, и Богу велегласно вопием: Аллилуиа.

Икос 3
Имуще, яко многоценное сокровище, многоцелебныя мощи ваша, радуемся и, любовию воспевающе данную вам от Бога благодать исцелений, благодарно зовем: Радуйтеся, теплии о нас к Богу предстателие; Радуйтеся, еллинская мудрования ни во чтоже вменившии. Радуйтеся, Рима светильницы всесветлии; Радуйтеся, омраченных стран просветителие. Радуйтеся, мужества и терпения наставницы; Радуйтеся, яко неповинне каменное побиение претерпевше, кончину мученическую улучили есте. Радуйтеся, любве ради Христовы пострадавшии, и нас небесных благ причастники приимите; Радуйтеся, раби Божии, от Господа Христа венцы победы приемшии. Радуйтеся, дивный и прекрасный смирения и кротости образ всем показавшии; Радуйтеся, непоколебимое православия основание. Радуйтеся, светлая страстотерпцев славо; Радуйтеся, добрии целебницы, ни от когоже мзды за исцеления вземшии. Радуйтеся, Космо и Дамиане, святии безсребренницы и преславнии чудотворцы.

Кондак 4
Буря ярости велия царя Карина не возможе поколебати души вашея, и егда вернии в некоей пещере вас скрыта от яти вас ищу-щих, волею воином предстали есте, вопиющe: нас поимите, мы бо есмы ихже ищете, неповинных же отпустите. Таже веригами обложени бывше, в Рим отведостеся. Мы же, веру вашу и вериги лобызающе, поем Богу: Аллилуиа.

Икос 4
Слышавше римстии людие велию вашу ко страждущим любовь и чудесное врачевание ваше, отвсюду устремляхуся к вам с верою в целебную благодать Божию, в вас действующую; приемлюще же скорое исцеление, прославляху Бога, вас же, милосердых целителей своих, величаху, воспевая сице: Радуйтеся, Бога истиннаго непреборимии проповедницы; Радуйтеся, оружие креста Христова добропобедно вземшии. Радуйтеся, блазии врачеве, страждущим скории помощницы; Радуйтеся, вся немощныя туне врачующии. Радуйтеся, и ныне исцеления обильно источающии; Радуйтеся, милостивии утешителие в бедах и скорбех сущим. Радуйтеся, во всяких обстояниих нас защищающии; Радуйтеся, безпомощных спасительное призрение. Радуйтеся, праведных преславное украшение; Радуйтеся, предстательство наше крепкое. Радуйтеся, прилежнии о нас к Богу молитвенницы; Радуйтеся, всем, верою призывающим вас, скории помощницы. Радуйтеся, Космо и Дамиане, святии безсребренницы и преславнии чудотворцы.

Кондак 5
Боготечным воистинну путем шествовасте, раби Христовы, егда во узах в Рим ведоми, за еже идолом не послужисте, Христови же единому поработасте, горькая испытания терпели есте, святии; но вся претерпесте за возлюбльшаго вас Христа. Темже великому терпению и крепцей любви вашей ко Господу дивящеся, купно с вами поем Ему: Аллилуиа.

Икос 5
Видев царь, яко силою Христовою исцеле, хвалу Тому воздаде; мы же, славяще Бога, ублажаем вас, славных угодников Его, вопиюще сице: Радуйтеся, горняя паче дольних возлюбившии; Радуйтеся, ангельскому житию на земли поревновавшии. Радуйтеся, яко, многобожие отринувше, родительскаго благочестия не отступили есте; Радуйтеся, яко вся имения своя, по словеси Господню, нищим раздали есте, да Христа приобрящете. Радуйтеся, не словом точию, но множае паче делом и непрестанною к Богу молитвою иных поучившии; Радуйтеся, неоскудный источник исцелений и ныне являющии. Радуйтеся, излиянием чудес, данных вам от Бога, нас обогащающии; Радуйтеся, в самих себе храм Богу уготовавшии. Радуйтеся, скорое нищих услышание; Радуйтеся, скорбных приятное попечение. Радуйтеся, ненадежных известное надеяние; Радуйтеся, болящих скорое врачевание. Радуйтеся, Космо и Дамиане, святии безсреб-ренницы и преславнии чудотворцы.

Кондак 6
Проповедницы имене Христова в животе своем бывше, и ныне силу того свидетельствуете чудесы, от иконы вашея источаемыми, и якоже веры иногда жены некия не презресте, но во сне явльшеся ей, облегчение в недузе даровали есте; сице и наших молений и пений гласы услышите, о, святии безсребренницы! Вере же и любви людей ваших внемлите и покров нам свыше даруйте, хвалящим вас и поющим Богу: Аллилуиа.

Икос 6
Возсия, яко свет, правда ваша, егда укоряема на судищи царя, дерзновенно рекосте к нему: не волшебною хитростию врачуем болезни, но силою Спаса нашего Иисуса Христа, якоже Той заповеда, глаголя: болящия исцеляйте, прокаженныя очищайте, туне приясте, туне дадите. Темже дерзновению вашему дивящеся, ублажаем вас сими: Радуйтеся, образ твердости и веры нам пока-завшии; Радуйтеся, райския радости присно наслаждающиися. Радуйтеся, премудрии сеятелие благочестия; Радуйтеся, славнии проповедницы православия. Радуйтеся, учителие, к небеси наставляющии; Радуйтеся, чистаго и непорочнаго жития неусыпнии хранителие. Радуйтеся, теплии послушателие молящихся вам; Радуйтеся, ко спасению изящнии и вернии путеводителие. Радуйтеся, благочестно и богоугодно жити хотящим блазии наставницы; Радуйтеся, ходатаи благих всем, почитающим память вашу. Радуйтеся, добре течение свое скончавшии; Радуйтеся, венцы правды от Владыки Христа приявшии. Радуйтеся, Космо и Дамиане, святии безсребренницы и преславнии чудотворцы.

Кондак 7
Хотяще силу Христову злочестивому царю открыти, Духа Святаго исполнени рекосте: буди посрамлен, о Карине, и с богами твоими! И абие ему лице изменися, и выя совратися, и, молящеся к вам, глаголя: се ныне вижду, яко раби есте истиннаго Бога. Молю убо вас, да якоже иных уврачевасте, сице исцелите и мене, да и аз купно с вами воспою Богу: Аллилуиа.

Икос 7
Дивнии о нас молитвенницы, целителие душ и телес наших и ходатаи спасения вечнаго, благодарным сердцем воспевающе хвалебную песнь Богу, даровавшему нам таковых великих чудотворцев, приносим и вам похвалы сицевыя: Радуйтеся, Ангелов терпением вашим удивившии; Радуйтеся, божественным сиянием чудес своих вся просветившии. Радуйтеся, скории от всяких болезней и безмезднии врачеве; Радуйтеся, заступлением вашим разслабленныя исцеляющии. Радуйтеся, от неисцельных болезней здравы воздвизающии; Радуйтеся, достойне совершившии земный подвиг жития вашего. Радуйтеся, о нас, обнаженных добрых дел, присно к Богу предстательствующии; Радуйтеся, яко сиянием премудрости, от Господа вам данныя, всех верных просвещаете. Радуйтеся, молитвенницы о нас и заступницы наши предивнии; Радуйтеся, доблии страстотерпцы Христовы. Радуйтеся, кровми своими землю освятившии; Радуйтеся, идольское безумие обличившии. Радуйтеся, Космо и Дамиане, святии безсребренницы и преславнии чудотворцы.

Кондак 8
Странное мирови житие ваше видяще, устранимся и мы того сует и, ум на небеса преложше, возопиим к вам, святии безсребренницы: утолите болезни, источая благодатная врачевания всем, усердно к помощи вашей притекающим и вопиющим Богу: Аллилуиа.

Икос 8
Все житие ваше на земли любовию к Богу и к ближним исполнивше, святии безсребренницы Космо и Дамиане, скории и ныне помощники являетеся всем, с верою призывающим вас; не точию бо близ притекающим ко святым мощем вашим, но и далече сущим исцеления источаете. Темже приносим вам похвалы сия: Радуйтеся, Единому Богу, в Троице славимому, верно послужившии; Радуйтеся, единое еже на потребу премудро из-бравшии. Радуйтеся, яко в неустанном труде и подвизе дни и нощи ваша без всякаго уныния препроводили есте; Радуйтеся, яко ситцевым вашим тесным и скорбным житием славу Божию в человецех умножили есте. Радуйтеся, доблии Христовы последователие; Радуйтеся, яко научители и творцы Христовых заповедей явилися есте. Радуйтеся, яко именами велиих в Царствии Небеснем наречени бысте; Радуйтеся, славою Христовою весь мир озарившии. Радуйтеся, яко страданием вашим безстрастие прияли есте; Радуйтеся, яко мученическою смертию безсмертие стяжали есте. Радуйтеся, яко Ангели, на небеси и на земли прославленнии; Радуйтеся, яко Богу ныне венценосни предстоите. Радуйтеся, Космо и Дамиане, святии безсребренницы и преславнии чудотворцы.

Кондак 9
Всякое естество человеческое удивися сиянию в вас благодати Божией, святии Космо и Дамиане, егда нечестивый царь Карин, узрев чудеса, от имени Господа Иисуса Христа вами творимая, уверова и прослави Бога. Темже и мы, славяще давшаго вам сицевую силу, поем Ему: Аллилуиа.

Икос 9
Вития многовещанная недоумеют довольно изобразити обилие любве вашея, еюже преисполнени бысте, святии угодницы, к человеком о Господе. Сего ради из глубины сердец наших вопием к вам: Радуйтеся, Господу своему даже до смерти поработавшии; Радуйтеся, огнем любве Божия воспаляеми, огнь жертв идольских угасившии. Радуйтеся, ближняго паче самих себе возлюбившии; Радуйтеся, яко болящия и недужныя посещали есте. Радуйтеся, нужды убогих предварявшии; Радуйтеся, печальных утешителие. Радуйтеся, отчаянных заступницы; Радуйтеся, сирых питателие. Радуйтеся, люте страждущим помощницы; Радуйтеся, угнетенных свободителие. Радуйтеся, яко, добре течение скончавше, ко Христу вознесостеся; Радуйтеся, яко в Царствии Его водворяетеся. Радуйтеся, Космо и Дамиане, святии безсребренницы и преславнии чудотворцы.

Кондак 10
Спасти хотя многия, яви нам Господь вы, чудотворцы Своя: кто бо не умилится, видя ваше безмерное ко всем сострадание; кто ли вы не ублажит, яко не токмо человеки от недуг исцеляете, но и скоты милуете; не отрините убо и наших молитв, но на вся ны нео-скудно великия и богатыя ваша милости излейте, да вопием Богу: Аллилуиа.

Икос 10
Стены есте всем, похваляющим чудеса ваша, о безмизднецы, и к заступлению вашему прибегающим; стены и забрала есте, ограждающия от всех бед, усердно в помощь вас призывающим. Темже убо и нас от нищеты, напастей, недугов и скорбей оградите, молимся и тепле вопием к вам: Радуйтеся, адамантов крепость в терпении превозшедшии; Радуйтеся, неповинно от зависти сребролюбца пострадавшии. Радуйтеся, славнии в бедах заступницы; Радуйтеся, немощных и обидимых укрепление. Радуйтеся, крепцыи в напастех защитителие; Радуйтеся, убогих и нищих всещедрии обогатителие. Радуйтеся, алчущих милостивии кормителие; Радуйтеся, болезньми и тяжкими недуги одержимых премудрии уврачевателие. Радуйтеся, с верою к вам притекающим от всех скорбных обстояний теплии защитителие; Радуйтеся, яко память ваша всеми славима на земли. Радуйтеся, яко имена ваша написана суть на небесех; Радуйтеся, яко от Бога препрославлени есте. Радуйтеся, Космо и Дамиане, святии безсребренницы и преславнии чудотворцы.

Кондак 11
Пение всеумиленное, ныне нами приносимое, несть довольно к похвалению преславных подвигов и трудов ваших, яже Христа ради подъяли есте в животе своем; обаче дерзающе просим, усердное моление наше приемше, и нас от бед своими молитвами избавите, да умиленным сердцем воспоим Богу: Аллилуиа.

Икос 11
Светозарный и небесный ум явили есте иногда пред Карином, заблуждение того обличая; ныне же нетлением мощей ваших и множеством чудес православие утверждаете. Темже благодарственно зовем: Радуйтеся, Ипостасное Слово дерзновенно проповедавшии; Радуйтеся, силу идольскую добропобедно упра-зднившии. Радуйтеся, яко вами попрася служение бесом; Радуйтеся, яко вами поклонение Христу проповедася. Радуйтеся, учителие премудрии; Радуйтеся, всех добродетелей неленостные исполнителие. Радуйтеся, яко по трудех земных в селениих небесных ликовствуете; Радуйтеся, яко и по преставлении своем нас не оставляете. Радуйтеся, яко всем, с верою призывающим вас скорую помощь подаете; Радуйтеся, святии врачеве, яко болезни наша исцеляете. Радуйтеся, молитвы верных не отревающии; Радуйтеся, и о нас недостойных у Престола Божия ходатайствующии. Радуйтеся, Космо и Дамиане, святии безсребренницы и преславнии чудотворцы.

Кондак 12
Благодать, юже даде вам Господь Бог, целити вся недуги душевныя же и телесныя, днесь собра нас, да почтим память вашу, святии безсребренницы Космо и Дамиане, благоговейно убо взирающе на честную икону вашу и со умилением сердца к ней припадающе, молим избавитися всем нам от всяких зол и болезней, да воспоем вси Богу: Аллилуиа.

Икос 12
Поюще чудеса ваша, восхваляем труды и подвиги, ублажаем мученическую кончину, почитаем ходатайство и сильное заступление ваше о всех, требующих помощи вашея; величаем подателя всех благ Бога, даровавшаго нам толико дивных молитвенников, и со умилением зовем: Радуйтеся, Иисуса Господа верно проповедавшии; Радуйтеся, истины Его доблии свидетелие. Радуйтеся, теплии о нас у Престола Его предстатели; Радуйтеся, телес наших благосострадательнии врачеве. Радуйтеся, Царствия Небеснаго и вечных благих наследницы; Радуйтеся, по Бозе все наше упование. Радуйтеся, миро благовонное исцелений исто-чающии; Радуйтеся, страстей злосмрадие молитвами своими отревающии. Радуйтеся, исцелений дателие и чудес источницы; Радуйтеся, светоноснии столпи церковнии и забрала недвижимая. Радуйтеся, винограда истинного божественныя лозы; Радуйтеся, двоице световидная мудрых безсребренников. Радуйтеся, Космо и Дамиане, святии безсребренницы и преславнии чудотворцы.

Кондак 13
О предивнии безсребренницы, чудотворцы, целителие и славнии угодницы Божии, Космо и Дамиане, приимите моления сия наша, от сокрушеннаго сердца возносимая; исцелите многообразныя недуги наша и теплым предстательством вашим испросите нам от Христа Бога избавление от всех бед и напастей, прощение прегрешений наших и благую надежду вечнаго спасения, да сподобимся с вами и со всеми святыми в безконечныя веки воспевати Богу, Спасителю нашему: Аллилуиа.

(Этот кондак читается трижды, затем икос 1 и кондак 1)